Universitätsarchiv Wien, UAW Cod. Med 1.5 AFM 1605-1676
[28. September 1668] 28. Septembris et reiterate 3. Octobris. Ut petitioni consistorii ratione inspectionis satisfierit convocavi D. Schlüter, Ilmer, Schönaich cum 3 juratis obstetricibus nomine Veronica Frieselekherin, Barbara Langin et Barbara Khopizerin. His postquam inspectio accusatricis demandata fuit ea peracta retulerunt accusatricem quidem vas angustum habere nulla tamen clausura vel angustia se non laborare quae coitum impedire possent cum cereolo transire potuerint. Coeterum juvenis erat 19 annorum bonae constitutionis et habitus laudabilis.
Maritus vero a nobis visus erat 36 annorum robustis parentibus genitus boni, temperamenti, genitale membrum debitae conformationis, sed grandius habebat adeo ut excellentes viri unanimiter in eam sententiam devenerint, hic respectivam adesse impotentiam quae relatio 4. Novembris consistorio transmissa effecit ut matrimonium hoc dissolutum et utrique parti ad secundas toedas transire concessum fuerit et quantum constat, uterque thorus prolificus est. Hocce etiam tempore omnia 13 pharmacopolia visitata et bene esse instructa repertum prout similiter materialistae visitati sunt.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.1115, in: Monasterium.net, URL </mom/AFM/1.5.1115/charter>, accessed at 2024-05-02+02:00
The Charter already exists in the choosen Collection
Please wait copying Charter, dialog will close at success