[10. September 1610] X. hujus mensis transmisi D. Thiel per certum nuncium literas mandatorias officialis Pataviensis cum decreto ut spatio 14. dierum facultati debitum solveret; his elapsis nihil solvit. Ideo scripto alio I apud officialem institi debitum urgendo unde et ipsi secunda vice et peremptorie sine excusatione ulteriori fuit solutio serio spatio octidui ut copia decreti K. injuncta. Decretum eidem per tabellarium certum sicuti primum transmisi etiam.

XI. D. Jessenio69 per pedellum misi monitorium ut literas [fol. 34v] suas privilegiales aulicas facultati exhiberet revidendas et inposterum nomen receptis suis uti alii legitimi medici subscriberet. Respondit ut ex suo rescripto L. quod rescriptum dominis doctoribus perlegendum et dijudicandum demonstravi qui jusserunt ipsum denuo requirere et monere adhuc ut quod alii omnes et ipse facere non renuat alias nos eum catalogo imponere non posse. Denuo requisitus et admonitus ipsemet me convenit monstravitque ex majestatis regiae decreto se esse in aulae medicum legitime receptum quod quidem facultati pro exercicio liberae praxeos sufficere potuit. Sed quia ob id quod stipendio a rege esset conductus arroganter sibi priorem locum in serie catalogi prae aliis aulae medicis senioribus attribuere velle videretur de hac re in congregatione tractandum facultas judicavit.