Universitätsarchiv Wien, UAW Cod. Med 1.5 AFM 1605-1676
[11. Dezember 1610] Die XI. Decembris convocata inclyta facultas ad congregationem primo lecta et audita decanatus acta domini exdecani approbavit; secundo Christianum Rosian una cum dispensatione ut pro literis nativitatis et disciplinae quas expectabat ex patria sponsores sisteret ad solitum pharmacopeorum examen admisit locoque meo qui examinatoris officio fungebar D. D. Piribachium substituit.
Tertio conclusit ad majorem firmitudinem privilegi contra inconstantiam et contumaciam pharmacopoeorum Viennensium requirendam esse assistentiam a consule et senatu Viennensi scripto cum incluso exemplari ipsius privilegii. Quod scriptum A conceptum per D. D. Piripachium et ab inclyta facultate revisum praesentatum fuit post ferias nativitatis domini. Receptum quoque est rescriptum satis benignum quod repositum servatur in ladula cum privilegiis. Circa hoc tempus Adamus Olitorius med. stud. in Italiam profecturus resignans stipendium Emericanum supplicavit pro integro stipendio nondum absoluti semestris et pro inclytae facultatis studiorum hic exantlatorum testimonio. Fuit in utroque petitio illius admissa.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.118, in: Monasterium.net, URL </mom/AFM/1.5.118/charter>, accessed at 2024-05-07+02:00
The Charter already exists in the choosen Collection
Please wait copying Charter, dialog will close at success