Universitätsarchiv Wien, UAW Cod. Med 1.5 AFM 1605-1676
[3. Jänner 1676] III. congregatio 30. Januarii. Proposui temeritatem cujusdam
chirurgi Matthiae Burckart in suburbiis ad S. Udalricum qui ausus fuit mulierem
cancro exulcerante laborantem scammoniatis antimoniatis et decocto guajaci ita
tractare donec animam emiserit. Hunc cum citarem comparuit et respondit sese in
Polonia saepius cancrum hoc modo curasse et cum sit in fundo Scotensi si
facultas illiquid contra ipsum habeat apud dom praelatum Scotensem proponat.
Tentavi ibidem sed nihil effeci.
Insinuavi dom. D. Radogla et Hauck jam ante de actu repetitionis subeundo esse
admonitos necdum tamen satisfecisse. Responsum cogendos esse ut repetant aut
hinc discedant.
Feci mentionem illius Andreae Baiss spazocaminarii, qui se chymicum caesareum
appellat quid cum illo sit faciendum cum toties fuerit incarceratus et sub hac
conditione ex carceribus liberatus, ut a sua mala praxi abstineat nihilominus praxin
cum detrimento multorum exercet. Responsum ipsi per pedellum omnimodam
praxin esse inhibendam.
Dom. Paulus Elias Plöckner physicus ad S. Hippolitum ordinarius citatus comparuit
et interrogatus quare balneatores ibidem examinet et testimonia in pernitiem
facultatis distribuat respondit jus examinum die Bader auss ihrkais. Maj. Decret und
denen Badern gegebenes Privilegium mit disem Inhalt, dass sie einander in Beysein
des Viertell-Medici solen examiniren. Ego autem ulterius inquirens inveni in actis
[fol. 393v] dom. D. Scharselii quod privilegium balneatorum ad S. Hippolitum sit
oppugnandum longe invalidum et subreptitium. Ideoque conclusum fuit intimandum
esse D. Plöckner ut imposterum sub gravi poena ab ulteriori examine abstineat
secundo citandos esse balneatores ilicite examinatos ut hic demum examen
legitimum subeant. Nemo comparuit.
In memoriam revocavi magnum detrimentum quod facultas patitur propter acta D.
Christiani Rechpergeri sub triplici decanatu necdum approbata et inscripta.
Decrevit facultas mittendos esse duos de gremio ut amice primo requirantur sed
nemo hanc provinciam suscipere voluit.
Proposui libellum supplicem a socis pharmacopoeorum catholicae religionis contra
Lutheranos in quo petierunt ut catholici soci pro acatholicis promoveantur.
Responsum est transmittendum esse dom. seniori et collegio pharmiaceutico civili
umb gantz fürderlichen Bericht.
Proposui quod a consistorio mihi intimatum fuerit, quare de taxa apotecariorum
instituenda facultas nihil determinet maximo cum jam ante dom commissarii tam
ex gremio facultatis quam ex collegio pharmaceutico fuerint deputati. Respondit ex
tempore dom. exdecanus D. Ganser, quod hanc apotecariorum taxam adhuc domi
habeat quod mihi eandem proxima die transmittere velit.
Proposui quod dom. Carolus Kösinger apotecarius Crembsensis huc venerit
facultati se subjecerit et specierum pro confectione Mithridatica et theriacam a
mendis repurgatarum testimonium adduxerit quapropter rogavit facultatem ut
licentiam pulverisandi concedere dignetur. Responsum est D. Rath intimandum ut
nomine facultatis harum specierum pulverisationi intersit et pulverisatas species
occludat donec Kösinger porrecto libello supplici commissarios petat qui huic
mixturae intersint. [fol. 394r]
Joannes Georgius Losser med. cand. materiam pro baccalaureatu rogavit.
Maxima inter facultatem et. dom. juniores fuit agitata controversia ratione numeri constituendi et sessionis conferendae. Proindeque cum consistorium per dom. commissarios deputatos audiverit utriusque partis rationes facultatem amice requisivit ut de medio quodam termino cogitaret, quo mediante facultas suam auctoritatem servaret et dom. junioribus satisfieret. Proindeque cum praeter decanum ex qualibet classe 9 sint deputati ita ut in universum 28 admitterentur juniores autem huic numero contrariarentur ego sequentem medium terminum valde proficuum excogitavi et proposui nimirum: Cum numerus 28 sit a facultate constitutus ideo consultum fore judico ut quilibet decanus 28 sellas pro congregatione disponat et omnes dom. doct. de facultate convocet. Quod si vero plures venerint tunc ultimi ex dom. junioribus cedant senioribus et si velint cum auctoritate recedant. — Hic terminus placuit et fuit acceptatus. Ac proinde quoties aliquis ad gremium recipitur haec sedendi et recedendi conditio venit proponenda et non omittenda.
Proposui quod dom. Khösinger facultatem enixe rogat pro commissariis ad futuram mixturam Mithridaticam et theriacalem designandis. Cum autem propter itineris difficultatem et militum furta et rapinatu valde periculosum sit de gremio commissarios deputare et sursum mittere suavit facultas ut D. Rath collegae nostro per decretum intimetur ut Nie huic mixtura intersit ac de successu in omnibus facultatem informet.
Hanss Michel Schober a civitate Egenburgensi per senatum ejusdem civitatis fuit recommendatus et examinatus alss ein Oculist undt Wundtarzt. Respondit in theoricis sat misere [fol. 394v] in manuali tamen operatione totum suum posuit fundamentum.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.1244, in: Monasterium.net, URL </mom/AFM/1.5.1244/charter>, accessed at 2024-05-03+02:00
The Charter already exists in the choosen Collection
Please wait copying Charter, dialog will close at success