Universitätsarchiv Wien, UAW Cod. Med 1.5 AFM 1605-1676
[6. Juni 1613] Sexto Junii congregata fuit facultas ob decretum ab excelso regimine magnifico domino rectori et venerabili consistorio et exinde facultati nostrae transmissum in quo incipiente grassari peste petebatur informatio quisnam sit magister sanitatis num officio suo satisfaciat et quinam morbi hoc tempore praecipuo grassentur. Data fuit informatio ex consensu facultatis 10. Junii quae habetur in actis.
Secundo lectus fuit libellus supplex cum adjunctis literis nativitatis et disciplinae Hermanni Arnholtz chirurgi qui empta [fol. 55v] officina magistri Petri Meyenzweig petiit ad examen consuetum admitti. Annuit facultas ubi per magistros suae artis more antiquo praesentatus fuerit quod factum deinde fuit 9. Junii examinatoribus D. D. Paulo Perckhovero subseniore Sigismundo Geisler, Balthasare Pastorio, Joanne Materno. Respondit mediocriter confecit emplastrum punctorium et unguentum apostolorum solvit 3 flor.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
