Universitätsarchiv Wien, UAW Cod. Med 1.5 AFM 1605-1676
[26. Oktober 1616] Die XXVI. Octobris misit ad me dominus exdecanus catalogum et appendicem medicamentorum quae praeparata in officinis pharmaceuticis haberi in posterum concluserat facultas utrumque nomino facultatis D. D. Magno Pragam mittendum. Misi igitur eodem die ad facultatem inclytam scriptum C quo petii quidnam D. D. Magno scribendum et num imago Ristorii agyrtae quam prae foribus exponebat per lictores esset auferenda.
Ad primum fuit responsum D. D. Magno proponendas esse rationes catalogi et appendicis medicamentorum conscriptorum petendumque ab ipso ut siquidem omnium pene nostrum praeceptor fuerit utrumque revideat et si aliquid addi aut demi vellet vel immutari facultati id benigne significare non dedignetur. De secundo autem conclusum fuit excelso regimini turpia in perdendis et decipiendis aegris Pistorii facinora enucleate explicanda esse atque regiminis responsum expectandum. [fol. 80v] Concepi igitur ad D. D. Magnum literas.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
