[24. November 1620] 24. Novembris decretum G. mihi transmissum fuit in quo

facultati mandabatur ut cappam pro decano quo is una cum habitu in

solennitatibus uteretur fieri curet quare id scripto H. facultati intimavi quo ex qua

materia cujus coloris eam velit fieri concluderet.

Secundo loco copiam admonitionis D. Scherhackhel (scripto monendus erat cum ad

pedelli verbo factam intimationem non comparerit) revidendam facultati transmisi.

Tertio proposui quid agendum sit ratione debiti quo facultati D. D. Joannes Baptista

Janka qui paulo ante Crembsium abierat obligabatur.

Quarto in negotio confirmationis privilegiorum quid fieri velit facultas cum imperator

brevi discessurus dicatur conclusit facultas quanto ad primum cappam ex italica dicta

materia conficiendam colore cerasorum (hochweixelbraun).

Secundo admonitionem D. Scherhackhl non mittendam donec abeat imperator; si

maneat mittendam.

Tertio ratione D. Jankae piae memoriae scribendum patribus societatis penes quos

deposita dicatur pecunia ilius ut de hac nobis satisfaciant.

Quarto differendam petitionem confirmationis privilegiorum parante jam abitum

imperatore quae omnia ut conclusa sunt exequutum.

Cappam ut adhuc ante festa natalitia pararetur laboravi pro qua exposui 25 flor. 33

cruc. quam pecuniam postea aequali omnes portione persolvimus.

D. Scherhäckhl scripto supradicto ut conclusum monui cum imperator remaneret.

Venit ad me seque authoritate deputatorum provinciae medicinam hic facere

praetendit vigore decreti K. sibi transmissi.

Patri rectori collegii Crembsensis nomine facultatis scripsi ut de pecunia D. Jankae

nobis satisfaceret. Rescripsit mihi ut L. pecuniam dictam partim (sic disponente

demortuo Janka) in pios usus conversam partim aliis ab eo relictis debitis

persolvendis applicatam.