Universitätsarchiv Wien, UAW Cod. Med 1.5 AFM 1605-1676
[19. April 1627] V. congregatio 19. Aprilis. Propositum est consistorii decretum de
infirmis non confessis ultra 3. diem non visitandis. Petebatur insuper informatio
quare quidam hoc se facturos jurare nollent et votum qua ratione haec pia
consistorii intentio promoveri posset.
Responsum est: Doctores de facultate medica ut catholicos id quod hactenus
fecerunt et ad quod ex fidei professione conscientia et charitate christiana tenentur
etiam in posterum sedulo facturos ne hac in parte suo defuturos officio. De caetero
ob certas causas et quod in pontificis territorio praxin non exerceant novo et
supervacaneo juramento supersedere velle.
D. Henricus Massuca petierat a consistorio ut sibi cathedra et professura
anatomica concederetur. Ad cujus petitum facultati pro voto et informatione
transmissum respondit extraordinariam ipsi conferri posse.
Claudius Lopinus Barrensis Gallus phil. mag. 18. Martii promotus medicinae doctor
petiit admitti ad consilia. Admissus est et solvit dimidium imperialem. Resignavit
stipendum quo hactenus fuerat gavisus.
Ultimo monui facultatem de circumforaneis numerose ad nundinas Viennenses
92 Das Dekret stammt vom 21. Jänner 1627.
confluentibus qui praeter quam quod noxia divenderent medicamenta spreta facultate contra ipsius prvilegia solum a consule vel camerario civitatis peterent suam vendendi licentiam. Voluerunt praesentes domini collegae ut dominus consul amicabili scripto moneretur ne in posterum ante visum facultatis consensum ipsis locum (quem solummodo potest) in publico concederet.
- Acta Facultatis Medicae Universitatis Vindobonensis Vol. 5, Leopold Senfelder, 1910
Acta facultatis medicae Vindobonensis 1.5.517, in: Monasterium.net, URL </mom/AFM/1.5.517/charter>, accessed at 2024-05-06+02:00
The Charter already exists in the choosen Collection
Please wait copying Charter, dialog will close at success