[7. Oktober 1633] Septimo Octobris celebratum est officium defunctorum. Sic et

festum sanctorum Cosmae et Damiani; elegantem orationem habuit Ferdinandus

Titelius phil. mag. et stud. med.

Visitatae sunt etiam hoc tempore officinae pharmaceuticae quae omnes praeter

officinas ad aureum leonum et aethiopem nigrum satis commode dispositae fuerant

inventae. [fol. 155v] Visitata etiam fuit officina caesarea ad nigram aquilam a

medicis personae sacrae caesareae majestatis praesente decano et duobus de

facultate senioribus D. Isaac Panisod et D. Sigismundo Geisler.

Libellus supplex cujusdam agyrtae qui se Matthiam Ceschi de Sancta Cruce

nuncupabat a rectore et consistorio per decretum facultati pro informatione fuit

transmissus in quo petiit licentiam oleum quoddam quod oleum seu balsamum Dei

vocabat conficiendi ejusque usum typis mandandi solicitabat. Responsum fuit cum

ingredientia manifestare recusaret et sic absque vitae periculo vix sumi posset

ipsius petitionem non esse amplectendam.

VI. congregatio. Supplicarunt quinque stud. med. Mag. Joannes Ludovicus, Mag.

Adamus Churtenbach, Mag. Georgius Rinnegger, Mag. Henricus Winckler, Mag.

Joannes Ferdinandus Titelius, ut theses pro baccalaureatu jam conceptas propter

penuriam nummorum non impressas proponere liceret. Sed judicavit facultas cum

hactenus semper theses pro gradu disputandae fuissent mandatae typis neque

tantum constarent esse adhuc imprimendas.

Misit etiam senatus Viennensis literas compassus in quibus conquestus est de

mortuorum inspectore quod videlicet plurimos indicet peste infectos qui tamen

tales postmodum non inveniantur; velet ut melius informaretur et examinaretur.

Facultas respondendum conclusit secutum ipsum esse in causa quod tales errores

committantur se quod tales homines uti et chirurgos in xenodochio et lazareth

suscipiant et facultati non praesentent examinandos; esse tamen paratam omni

tempore ilos examinare modo moneantur ut se sistant et facultati praesentent.

Petrus Ripens Coloniensis Agrippinus med. stud. pro stipendio Emericano vacante

supplicavit.

Supplicarunt etiam Michael Hueber et Joannes Venus chimistae pro licentia

chimicas operationes hic Viennae exercendi et medicamenta arte chimica

praeparata apothecariis et chirurgis vendendi. Conclusum fuit esse petendam a

pharmacopoeis informationem. [fol. 156r]

Datum fuit testimonium examinis Christophoro Werner apothecario ad nigrum

aethiopem.

Obtuli ego et D. Rechperger libellum supplicem principi et episcopo Viennensi

abbati Kremiphanensi in quo conquestus sum nomine totius facultatis quod D.

Valentinus Rorer et Guilielmus Raiger, ambo Lutherani adhuc passim in urbe

liberam exercerent praxin rogaremus itaque ut hoc sacrae caesareae majestati in

arcano consilio proponeret ut illis interdiceretur praxis tamdiu donec se catholicae

religioni et statutis facultatis conformes reddiderunt qui libellum etiam eodem quo

obtuleramus die lectus fuit in consilio et sua caesarea majestas serio mandari

curavit commissariis religionis in excelso regimine quatenus illos monerent ut

spatio unius mensis se catholicae religioni addicerent alias cum illis sicut cum aliis

acatholicis factum fuit procederent.

Tertio die post obtulit testimonium factae confessionis et sumptae sacrae

eucharistiae catholico ritu Valentinus Rorer. D. Raiger vero adhuc in sua haeresi

perseverat. Resignavi decanatus officium.

Accepta: Ab antecessoris mei vidua relicta 12 flor. 30 cruc, a Christophoro Werner

apothecario 12 flor., a D. Matthaeo Müler 45 cruc. Summa: 25 flor. 15 cruc.

Exposita: In festo sanctorum Cosmae et Damiani 19 flor. pro sententiis contra

Preussin obtentis 12 cruc, pedello 7 flor. 30 cruc. successori meo 1 flor. 30 cruc.

Summa: 26 flor. 12 cruc. Restant mihi 57 cruc. quos ultra exposui.

Laus Deo et beatae Mariae virgini.

Joannes Guilielmus Juncker Dr. m. p. [fol. 156v]

[1633/1634]

Acta decanatus IV. D. Joannis Guilielmi Mannagettae sub rectoratu domini Mag. Georgii Siess ad S. Stephanum canonici electi 19. Novembris 1633.