[24. September 1638] V. congregatio 24. Septembris. Hieronymus Pisani qui

coram nobis jussu serenissimi comparere debuisset per pedellum citatus sed nec

nobis nec decreto serenissimi propter potentes quos habuit patronos paruit

quapropter voluerunt omnes ut statim novus conficiatur libellus ad suam serenitatem

qui 16. hujus oblatus est serenitati quae iterum ut compareret coram nobis

demandavit sed sine fructu nam dum ista tractarentur Pisani cum patrono suo

Berchtoldo107 vicepraesidi camerae aulicae discessit hinc ad quoddam bonum in

quo ut operam vestram eluderet remansit multis septimanis usque ad caesaris

adventum.

Vocatus fuit D. Podiens interrogatusque cum jam ferme annus esset a sortito

aphorismo qui fiat quod nondum disputavit. Respondit se ideo non disputasse

quod Viennae manere non cogitet.

Intromissus dominus Fezerus pharmacopoeus ad aureum leonem eique

severissime exprobratum est quod hinc inde practicet atque ut posthac omnem

praxin intermittat sub poena occlusionis officinae fuit serio injunctum.

Praelegi supplicem libelum D. Wolffgangi Höfferi petentis admitti ad actum

repetitionis.

Cum nonnulli doctores essent exercentes in urbe medicinam facultati non

incorporati placuit consulere dominos quid de iis agendum deliberarent. Suaserunt

omnes esse citandos [fol. 176v] ut titulum hic practicandi edant quod praestiti.

Porro festum sanctorum Cosmae ot Damiani ex dispensatione domini officialis et

facultatis voluntate ob incidentem vindemiam satis maturam eamque adeo uberem

ut una urna optimi vini quibusdam in locis 15 cruc. venderetur 26. celebratum est.

Orationem habuit Mag. Marcus Wackher med. stud. suo nomine non indignam.

Sumptus ex propriis feci; 10 flor. ex fundatione D. Mannagetta distribui inter

sacerdotes, musicos et reliquos divino officio servientes.

¹⁰⁷ Wohl Dr. Jakob Freiherr von B. auf Ungerschütz und Frätting.