[24. Jänner 1643] Joannes Casparus Gebelius med. dr. humillime petiit cum

propter inopiam repetitionis actum tam cito sustinere non posset facultas velit illum

hic interim tolerare quod et factum.

D. Matthaeus Lampp j. u. dr. conquestus est de laesione sui honoris et famae

facta et illata a Matthaeo Claus med. dr. quod passim sparsisset, se illum curasse

morbo gallico cujus tamen conscientiae teste nullam unquam dedisset ansam

quare D. Conradus Wechtler, D. Tittelius et D. Greisl electi sunt qui ad D. Lampp

se contulerunt et re bene examinata contrarium retulerunt.

III. congregatio. Lecta et approbata sunt acta decanatus primi D. Wechtler. [fol.

200v]

Examinatae sunt rationes acceptorum sub decanatu D. Mensurati et inventum quod

adhuc 74 flor. solvere debeat quod ipsi fuit intimatum.

Bathasar Cyriacus Nimbsdorff admittitur ad disputationem pro gradu doctoratus.

Colatum fuit stipendium Emericanum Mag. Balthasari Meglin med. stud.

Baro a Polhaim petiit judicium facultatis an vulnus sibi in manu sinistra inflictum ubi

venae, arteriae, nervi transversim erant dissecti a chirurgo Joanne Thoma debito

modo fuerit curatum et quid praemii inde expectare posset.

Conclusit facultas ut libellus D. Joanni Guilielmo Mannagettae eo quod ordinarius

interfuisset curae pro informatione transmitteretur quod factum est.

Impetravit licentiam disputandi 7 theses de hydrope pro gradu doctoratus Joannes

Marcus Wacker quas in mense Martio defendit.

Martha Öllerin obstetrix sollicitavit in arte sua examinari quae cum a sua domina

Eva Kemnetzin obstetrice famosa et provinciae inferioris Austriae jurata cui 6

annos inserviverat hujusque servitii testimonium attulisset et a multis illustrissimis matronis fuisset recommendata sic 14. Aprilis examinata et approbata fuit. Mense Martio fuit celebratum officium pro defunctis.