[21. April 1645] II. congregatio 21. Aprilis. D. Erasmus Mittelbach praecedenti

decanatu ad repetitionis actum admissus hodie praevia fidei professione petiit ad

consessum et votum admitti quod impetravit.

Caius Bauman Kielensis Holsata, qui cum tonstrinam Andreae Scholl piae

memoriae sibi venditam denique catholicam fidem amplexum esse docuisset petiit

examinari.

Admissus est ac a seniore magistro Jodoco et Daniele Becker chirurgis

praesentatus et examinatus. Facultati dedit reversoriales, se quoad artem decano

et facultati pariturum festo corporis Christi et sanctorum Cosmae et Damiani

decanum se ad templum comitaturum, praeterea solum externos et ad chirurgiam

pertinentes non autem ullos internos morbos curaturum.

Sin secus fecerit sententiae ac decreto facultatis se semper pariturum.

Statuit facultas hujusmodi chirurgorum et pharmacopoeorum recognitiones manu

et sigillo illorum firmatas et expraestiti juramenti formulas conceptas imposterum

ante testimonii consignationem esse recipiendas ut si praeter aut contra

juramentum praestitum in praxin et internorum morborum [fol. 21 0v] curam temere

ac perfide sese intromiserint productis recognitionibus in omni judicio convinci et

tanto strictius intra artis suae limites coerceri possent.

Jeremias Oesterreicher hactenus provisor ad nigrum elephantem contra dominam

Mariam Tilloin conquestus est quod praetextu levioris taxae non tantum salarium

sibi denegaret sed etiam promissam novi anni strenam solvere recusaret. Judicavit

facultas litem duobus doctoribus totidemque pharmacopolis tanquam commissaris

componendam demandare. Electi sunt D. Petrus Magirus et D. Nicolaus Hebertus

cum Balthasare Bratez et Jona Ulrico qui multis laboribus debitam provisori

mercedem extorserunt.

Chirurgi civici monuerunt facultatem quendam Antonium Krögers contra ipsorum et

facultatis privilegia cujusdam aulici chirurgi tonstrinam emisse et praeter scitum

facultatis a quibusdam doctoribus examinatum ab imperatore privilegium practicandi subreptitie obtinuisse.

Decrevit facultas examen illud aestimandum pro nullo nisi se submitteret facultati. Antonius cum hoc intellexisset oretenus et scripto supplex significavit se per dominum marescalum aulae ad examen trium doctorum fuisse remissum qui gnari privilegiorum ipsum tamen ignarum istarum rerum examinassent. Proinde se obnixe rogare cum omnes essent doctores de gremio facultatis et simul aulae medici facultas ipsi hunc errorem benigne condonare atque examen suum ratum habere dignaretur. Responsum:

„ Wann der Supplikant wie andere so wol befreydte hoff als burgerliche Chirurgi der Facultet das gewöhnliche Juramentum leisten und dessen schrifftliche Recognition wirdt eingeraicht haben, soll das vermelte Examen auss gewissen Ursachen, doch ohn all nachvolgenndes Praejudicium ratificiert und desswegen das gebräuchlich Testimonium ausgefertigt werden."

Supplicans per reversoriales satisfecit et examinis testimonium accepit.