[2. Juli 1646] IIl. congregatio 2. Juli. Joannes Baptista Turchi Neapolitanus Italus

cancrum luem veneream aliosque morbos curatu difficiliores arcanis et nemini

revelandis remedis se averruncare posse praedicaverat. Sed cum plerique in ipsius

cura morerentur alii multo pejus inde haberent et illi carceres intentarent anticipata

curationis mercede Vienna profugit et elapso quatriennio reversus ex aulico famulitio

uxorem duxit et mox caesari adjacentem libellum exbibuit quo asseruit se ante annos

11 hic Viennae plurimos peste affectos curasse id etiam nunc se facturum proinde

rogans ut eidem velut magistro sanitatis annuum salarium decerneretur.

Petitio haec ab imperatore ad aulae praetorem et ab eodem ad facultatem pro

informatione et voto transmissa ita fuit refutata:

Hominem esse penitus ignotum et linguae germanicae prorsus ignarum ac proinde

infirmis inutilem fore quos neque de morbi qualitate interrogare multominus de medicamentorum usu posset informare. Ante annos hosce undecim nullam hic pestem fuisse nec illum tunc ab ullo Viennae visum ideoque velut mendacem et impostorem nou tantum a salario sed etiam a civitate arcendum. [fol. 217v] Consultatum fuit super excelsi regiminis et camerae aulicae decreto quo facultati significabatur suam majestatem post relatas informationes et vota de constituendo sanitatis magistro 30. Maii ita se rescripsisse ut imposterum constituto infectorum medico (si tamen is practicus et expertus doctor fuerit) ejusmodi stipendium constitueretur quod illius desiderio sit satisfactum. Proinde facultatem quam primum aliquot idonea et praxeos experta subjecta regimini et camerae denominare debere.

Conclusum: Facultatem adhuc ante annum praesentasse quatuor ad id sufficienter instructos doctores sed ob non factam salarii denominationem ejusque certitudinem a periculosi oneris susceptione deterritos fuisse. Quod si proinde non tantum salarii quantitas sed etiam indubitata certi aerarii solutio cum commodae habitationis loco fuerit determinata non opus fore plurium doctorum denominatione sed ultro plures pro saepe dicto officio supplicaturos. Ante determinatam salari certitudinem frustraneam esse electionem.

Jusserat praefatum regimen per aliud decretum ut unus med. dr. cum chirurgo Claustroneoburgum alter cum socio chirurgo Tulnam actutum ablegaretur ibidem milites aegrotos et in obsidione Corneuburgensi124 laesos curaturi. Responsum neminem medicorum aut chirurgorum iluc iturum si media vivendi desint et ad hoc parata stipendia et condigna. Praeterea frustraneos ibi fore doctores et chirurgos si desint inedicamenta. Haec igitur prius esse constituenda. Ne tamen interea laesi negligantur et pereant balneatoribus utriusque civitatis8) idipsum interea posse committi quibus aerarium belicum sumptus ad remediorum coemptionem subministrare debet et si omnino sit opus medici praesentia D. Joanni Gasparo Hepp salariato exercitus medico posse hoc munus demandari cum facultati videatur iniquum medicos haereticos ab omni contributione liberos ingenti stipendio conduci alisque privilegis ditari catholicos vero istiusmodi laboribus et exactionibus exhaustos haereticorum proterviam nutrire.

Hac reformatione factum est ut aegri milites fratribus misericordiae concrediti fuerint quorum ordinarius medicus et collega noster D. Greisselius ad promissam regiminis decreto remunerationem simul etiam laesorum curam suscepit. Liborius Fleitman et Martinas Gammaeus doctores petierunt super doctoratu ipsorum testimonium.

Civis nomine Philippus Albertus vitriarius conquestus est contra chirurgum Gallum Officialem, quod illi morbi hypochondriaci curam certo promisisset si anticipato 50 imperiales ac totidem post curationis finem persolvisset. Cum nihil nisi pilulas aliquot et vinum quoddam purgans exhibuisset morbus necdum mitigatus sed gravius effectus fuisset rogavit ut ei restitutio pecuniarum injungeretur quod ignarus morbi fraudulenter ementitus fuisset. Accusatus ter citatus sibi mali conscius comparere non est ausus. [fol. 218r]

Conradus Pleier Pragae in universitate Carolina med. dr. et professor scripto petiit a facultate resolvi atque decidi quaestionem an mulier 30 et aliquot annorum ex complexu juvenis 23 annorum non pluribus quam 248 diebus poterit eniti prolem et legitimum partum eo quod Hippocrates et communis medicorum schola ad legitimum partum 270 dies gestationis requirat. Cum non tantum in favorem quasi vellet statui ante 248 dies foeminam fuisse

¹²⁴ Diese im Besitz der Schweden befindliche Stadt wurde damals vom k. Obrist-Feldzeugmeister Grafen Johann Christof von Pucheim belagert.

impregnatam sed etiam nullum addidisset laboris et occupationis praemium

conclusum et ad ulteriorem sollicitantis instantiam responsum et censuram esse

differendam.

Mag. Joannes Georgius Mez Viennensis med. bacc. Petiit ad publicam

disputationem pro doctoratu admitti.