[13. Juli 1650] III. congregatio 13. Julii. D. Ludwig legit acta D. Joannis Ferdinandi Titteli med. prof. pie defuncti Joannes Fezer pharmacopoeus ad aureum leonem rogavit facultatem ut ingredientia theriacae et Mithridatii visitaret. Cura suftfcientem exhibuisset opobalsami arabici quantitatem placuit oleum Petri de Apono omittere et ipsum ab authore theriaces Andromacho scriptum opobalsamum adhibere. Joannes Marianus lithotomus Viennensis demortuus quendam chirurgum nomine Christophorum Schnebelin susceperat in disciplinam. Sed cum is annos disciplinae sub Mariani vita non absolvisset moriturus in testamento non tantum omnia discipulo suo instrumenta legavit sed etiam facultatem rogavit ut hunc ab ulteriori disciplina absolveret ac desuper testimonium absolutae disciplinae expediret. Schnebelin itaque rogavit precibus magistri vices a facultate suppleri. Conclusum prius aliquod artis specimen ederet. Nactus tandem duos pauperes adolescentes calculo vesicae laborantes gratis eosdem in hospitali civico felici sectionis eventu a calculo vesicae liberavit et incolumes consuli mihique praesentavit. Guilielmus Fortunatus Frey Judaeus quondam postea chrislianus factus ante annos 3 paupertate pressus magisterium sanitatis affectavit et contra pestem se certa praeservativa gloriabatur habere. Per regimen jussus est facultatis examen subire per quod in crassissima ignorantia deprehensus et a stipendio rejectus laborum ot occupationum compensam potit. Cum nec ipsum obtinere posset imperatori pro privilegio libero practicandi supplicavit. Haec petitio ad facultatem transmissa in hac congregatione demandata fuit mihi refutanda.

Hanc cum Nie sollicitaret eamque ipsi coneeptam perlegissem et ut ab ulteriori ejus obtinendi conatu abstineret serio fideliterque dehortatus fuissem audita facultatis censura et informatione se tam nigro calculo minime promoveri posse videns Themopolim rursus se contulit nec amplius practicandi privilegium ursit. Adamus Vogl chirurgus ante annos 10 emerat Eliae Weckeri tonstrinam a Paulo Schwer Weckeri genero quam cum contra promissa et contractum tot annis non

adimpletum solvere nondum posset venditor in praetorio civili rem suam vindicare coepit et reo nihil praeter vana promissa opponente tonstrina tandem per magistratum civicum restituta est venditori qui eam denuo vendidit Nicolao Masman chir. cand. Hic petiit examinari. Ne facultas Vogelium condemnaret inauditum vel collegio chirurgorum aliquod praejudicium crearet ejusdem petitionem chirurgis pro informatione transmisit qui supplicantem nulo modo examinari posse responderunt. Haec informatio per supplicantem modestis sed optimis rationibus est refutata ideoque moniti chirurgi ut Nicolaum Masmannum ad examen praesentarent renuentes adhuc et consulem insuper in defensionem Vogeli cum aliis revocarunt qui postquam subsidium denegasset nihilominus pro Vogelio [fol. 240v] steterunt et se 200 flor. intra anni spatium solvere promiserunt. Sed cum venditoris restans pretium 500 flor. excederet et Masmannus pro tonstrina pecuniam deponeret a promissis recesserunt. Proinde cum consul et senatus saepe dictum Masmannum ad civilo juramentum praestandum jam admisissent ut examinandum praesentarent tertio vocati et admoniti per decretum jura tamen praesentationis alioquin sibi competentia observare et prosequi noluerunt.

Conclusit facultas pharmacopolia imposterum exactius esse visitanda et quidem non una vel altera hora composita obiter inspicienda sed primo die horis matutinis absque symposio vel prandio simplicia omnia particulatim discutienda altero die ipsa praeparata qualiacunque sint examinanda tertio demum die composita bene perlustranda. Quae ratio etam imposterum erit observanda atque ita singulis mensibus in uno vel altero genere haec vel illa officina perlustranda. Factum hujus rei initium atque in quibusdam officinis herbas adeo inveteratas araneis infectas aut murium nidis conspurcatas invenimus ut eas ne famelica quidem capra degustasset. Moniti ut simplicia quae in Austria proveniunt et levi pretio haberi possunt quotannis recenter collecta reponerent alioquin futurum cum officinae et pharmacopolae ignominia in publicum ejicienda.

Georgius Pucher Bavarus in balneo alti pontis per annos 12 coadjutor empto laconico Scheukenbadt petiit examinari. Annuit facultas.