[28. November 1650] Acta decanatus IX. D. Joannes Guilielmi Mannagettae electi 28. Novembris 1650 sub rectoratu domini Georgii Tasch theol. dr et ad S. Stephanum canonici.

Joannes Jacobus Resimund pseudomedicus et pessimus agyrta post denegatam schedularum publice affigendarum licentiam in temerario suao peritiae praeconio streune pergens multos defraudaverat. Accusatus proinde et repetundarum a pluribus postulatus cum citatus non compareret ad instantiam facultatis in suburbio S. Udalrici in compedes conjectus tandem facultati obedientiam promisit et evasit ad tempus.

Ad finem anni 1650 tribuni balneatorum supplicarunt ut jussu magistratus praesentatum ipsis Vincentium Seidl Monacensem Bavarum pro suburbano mortuorum inspectore dignaretur examinare. Qui cum antea in Grinzing egisset infectorum chirurgum et Viennensi hospitali per aliquod tempus serviisset 5. Decembris examinatus et approbatus est.

Joannes Leonhardus Winheim ad angelum album pharmacopola mandaverat famulo suo Matthaeo Haysen ut rattum fugitivum virgis caederet quod cum famulus ad artem suam non pertinere asserens se facturum negaret Winheimius ut inobedientem famulum e servitio suo abire jussit et competentem strenae portionem ei denegavit. Haysen hanc litem facultati decidendam obtulit quae frivolas Winheimi excusationes rejecit et famulo congruam strenae portionem adjudicavit.

Eodem conventu discipulus Matthiae Mülleri ad officinam coerulam pharmacopolae Christophorus Lechner conquestus est contra magistrum quod completa septem annorum disciplina absoluti tyrocinii literas habere non posset. Responsum ut Müllerus facultati suam desuper informationem exhiberet in qua cum varias denegati testimonii causas allegasset eas discipulus refectare et simul et testimonium neglexit.

Praeterea cum non sine ludibrio doctorum aliqui a chirurgis obequitando aegros visitarent praeterea quendam chirurgiae studiosum ad sex menses alium ad biennium tertium vero Laurentium Adami mulcta 50 imperialium indicta ad sexennium Vienna abesse jussissent facultati occasionem dederunt ut hanc illorum insolentiam regimini per modum simplicis querelae intimaret. Decrevit regimen ut ad 7. Februarii decanus eum aliquot doctoribus simul etiam chirurgi comparerent qui tamen pleraque negarunt et se non superbiae vel contemptus causa sed ob aegritudinem pedum aliquando equitare responderunt imposterum vero se pedites ituros promiserunt. Cum illis regimen proscriptionis arrogantiam exprobrasset et promissam facultati obedientiam debitam et ergo doctores respectum serio exculcasset omni humilitate et submissione se excusarunt et ab equitatione per plateas civitatis deinceps abstinuerunt.