[3. Februar 1651] I. congregatio 3. Februarii. Joannes Christophorus Schmuz phil. et med. dr. petiit ad consilia admitii et admissus est.

Helena Liebeckin vidua pharmacopolii ad nigrum ursum domina petiit ut Joannem Jacobum Leonem Constantiensem Acronianum veluti designatum a se provisorem facultas vellet examinare. Admissus est et 14. hujus per pharmacopoeos praesentatus. Optime respondit.

Simon Rizinger destillator et vilissimorum balsamorum et aquarum nundinator scripto petiit sibi scriptam dari licentiam et potestatem qua valeret agyrtarum non examinatorum pharmaca privatim aut publice vendenda annihilare omnesque suae farinae socios a tali conamine impedire. Cum facultas hanc authoritatem nauci homini concedere nollet et jam in publicis nundinis pro loco suarum mercium debitum canonem consili solvere atque facultatem contra magistratum civicum concitaro pro sua defensione cogitaret repulsam passus est et suis tantum rebus jussus est invigilare.

Petrus Leonardus ante sesquiannum hic promotus med. dr. tractatulum germanicum de thermis Badensibus rectori exhibuit pro licentia imprimendi. Cum a facultate ut ineptus esset reprobatus et preto penitus indignus judicatus exemplar repetiit et se emendaturum simulavit. At neglecta correctione iacoethes hoc scriptum Ratisbonae imprimi curavit et Viennae in despectum facultatis divulgavit adjecta Ludovici Hornigk medici Francofurtensis censura cum tamen uterque thermas Badenses vix semel vidisset multo minus mineras examinasset. Collegium pharmacopolarum rogavit ut super provisorum pharmaceuticorum determinato salario fieret certum aliquod statutum ne deinceps ipsorum viduae vel

haeredos ad intolerabilem iniqui salarii pensionern persolvendam aut facultas ad decidendas de hujusmodi salarii controversias in posterum esset molestanda. Placuit facultati ne provisori plus quam 100 imperiales in anni stipendium et pro novi anni strena 24 vel ad summum 30 imperiales darentur. Si quis constitutam hanc salarii quantitatem excederet id auctuarium facultatis aerario pro mulcta numerari et solvi debere.

Institerunt etiam obstetricos ut super earum munero tempore disciplinae ac numero certae constitutiones fierent adeo si quae illas non observaret certa pecuniae quantitato mulctaretur aut omnino obstetricandi licentia a facultate privaretur.

Balthasar Pockmayr pro chirurgo pestiferorum examinatus at hoc tompore contagii experto salario privatus quod suburbanis ad S. Udalricum operam suam chirurgicam locaret a balneatoribus civitatis omnis generis molestias persecutiones et minas se perferre conquerebatur. Petebat ut contra hosce [fol. 244v] persecutores facultas eum reciperet in tutelam. Conclusum petitionem balneatoribus pro informatione transmittendam simulque injungendum ut interea nullam ei molestiam aut vim inferrent. Cristophorus Riedl e figulorum cella intestinali hernia et omphalocele laborantes medicamento quodam externo curaverat ideoque supplex instabat ut hujus rei testimonium aliquod ei scriberetur quod factum est.

Consul et senatus Viennensis requirunt facultatem ut pharmacopoeam in nosocomio civili per aliquot doctoros visitare dignaretur quod factum est. Cum provisor videretur debito negligentior cum plerisque compositis ab officio est remotus.