[27. August 1653] V. congregatio 27. Augusti. Actitatum fuit ratione examinis

pharmacopoei Badensis et conclusum ut ad examen non obstantibus ipsius

excusationibus citetur.

Sed cum totus valetudinarius et contractus sit nolui etiam cum ipso importunus

procedere; nunc requiescit in pace.

Supplicarunt chirurgi ut duos ex ipsorum gremio eligere ipsis liceat qui per annum

ipsis praesint. Responsum fuit ubi omnes subscripserint ulteriorem responsum

facturam.

Lectum fuit decretum regiminis ratione pagorum infectorum Wayden et Ranttern ut

idoneos chirurgos aut balneatores eo transmitteremus. Sed cum jam praestitum

fuerit de eo nihil amplius fuit consultatum.

Secundo petiit regimen ut constitueremus magistrum sanitatis. Elegimus D.

Ploechinger qui etiam suscepit. Postea habuimus hac super re commissionem

apud regimen praesentibus D. Tossano, D. Wacker et D. Rechperger juniore.

Secunda vice fuit mecum solus D. Rechperger junior. Fuit actum de inspectione

mortuorum et de visitatione infectorum. Recusavimus simpliciter inspectionem

mortuorum neque etiam teneri ad hoc magistrum sanitatis nisi dubius occurrat

casus. Et hac responsione fuerunt contenti.

Ad secundum petitum respondi esse impossibile ut medicus statim in prima visitatione morbum perfecte posse discernere atque hinc propter unam aut alteram visitationem si medicus debeat rebus ita constitutis statim contumaciam facere fore brevi temporis spatio ut nullum medicum in civitate habitum simus. Secundo huic malo aeque ilustres personas subjacere quam plebeios proinde haec novitas nulatenus tolerabitur.