Universitätsarchiv Wien, UAW Cod. Med 1.5 AFM 1605-1676
[8. August 1661] IV. congregatio 8. Augusti. Primo lectus est libellus supplex
Antonii Kresters cujusdam militis qui supplicavit regimini et petiit sibi privilegium
impertiri supra unguentum expertum et probatissimum in gangraena et sphacelo.
Responsum est regimini si agyrta in hospitali curaverit similes personas in
praesentia chirurgorum tunc poterit dari illi privilegium secus non.
Secundo lectus est libellus supplex dom. D. Sorbait rectori et consistorio porrectus in
quo petiit sibi substitui alium professorem ratione infirmitatis et denominavit dom. D.
Ilmer. Conclusit pluralitas D. Ilmerum non posse substitui ut professorem sed ut
dictatorem lectionum a D. Sorbait compositarum.
Tertio lecta est nova lis inter nobilem Crembsensem Sumeregger et D. Niderpichler
in causa injuriarum nobili a doctore ilatarum. Citatus est ad facultatem qui non
comparuit ideo conclusum ut puniretur.
Quarto praelecta supplementa dom. D. Spenholtz pontificia et caesarea.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
