Universitätsarchiv Wien, UAW Cod. Med 1.5 AFM 1605-1676
[13. März 1662] III. congregatio 13. Marti. Primo praelcetum fuit decretum ab excelso
regimini concernens praxim Judaei Asser di Rossi inter christianos et judaeos
exercere petentis. [fol. 306v] Similiter fuit praelectum responsum ad regimen contra
judaeos et conclusum ut traderetur.
Secundo Joannes Jacobus Gerhart chir. stud. petit examinari. Consentit facultas.
Tertio D. Latomus medicus Graecensis supplicat ut ante promovendos possit
habere sessionem. Responsum fuit si citius repetierit antequam promovendi accipient
sessionem tunc habebit prioritatem.
Quarto cum facultati fuisset indicatum Joannem Casparum Pichelmayr contra
prohibitionem pelves exposuisse conclusum fuit ut senatus Badensis requiratur pro
assistentia qui ad nostram instantiam pelves deponere ipsi mandavit.
Quinto D. Graffinger medicus provincialis Melicensis accusat pharmacopolam Melici.
Responsum utramque partem esse citandum et audiendum. Sed solvebat litem
mors immatura D. Graffinger.
Cum multas ob causas acta decanatus D. Christiani Rechperger facultas
desideraret mihi fuit injunctum ut ipsi decretum transmitterem et mandarem ut
spatio unius mensis acta porrigeret quod feci sed nihil obtinui.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
