[21. Juli 1662] V. congregatio die 21. Juli. Primo neodoctores Schönaich et Götz

scripto et oretenus sessionem petebant et obtinuerunt. [fol. 309r]

Secundo Joannes Jacobus Lindentaler oculista lithotomus et herniotomus petiit ad

examen admitti. Annuit facultas.

Tertio Georgius Götz neodoctor petiit restantis stipendii solutionem quod ipsi

concessum est.

Quarto Joannes Casparus Püchelmayr chirurgus in Baden petiit adhuc semel

examinari cum in priori examine non satisfecisset. Concessit ipsi facultas adhuc

spatium sex septimanarum ut se bene praeparare posset.

Jacobus Wetzstein Helvetus qui se scribebat chymico practicum medicinae

universalem medicinam sive oleum philosophorum vendebat quo se omnes

morbos curare posse audacter gloriabatur sed eventus contrarium docebat.

Ideo misi pro ipso et probavi ipsius in chymicis scientiam quam inveni nullam. Hic

tandem mihi fassus est se nunquam studiis incubuisse seque opificium tinctoris

didicisse et ex libro germanico hujus olei descriptionem accepisse. Hanc ob

causam ipsi praxim interdixi. Verum cum multae contra ipsum confluerent

quaerelae quod aliquot acceptis primo pecuniis impune suo oleo occidisset

accessi judicem civitatis pro assistentia qui mihi prompte eam promisit se

accusatum arrestare et ad pecuniarum restitutionem compellere velle. Verum

interea discessit erupit evasit; sic fidentibus deceptori non fiebat injuria.