Universitätsarchiv Wien, UAW Cod. Med 1.7 AFM 1677-1709
[16. August 1688] IV. congregatio 16. Augusti. Chirurgi et balneatores tergiversari videbantur in tribuendis juribus dom. doctoribus, quorum duo ad actum magisterii ut vocant a decano deligi solent adeoque a facultate de novo conclusum, cuivis doctorum pro illo actu praeter tractationem porrigendum esse imper. uti id semper consuetum fuit.
Henricus Gaichperger balneator im Freyhauss auff der Widen ad examen admitti petierat et quamvis literas non haberet testimoniales disciplinae, eo quod hujatibus balneatoribus ob differentias quasdam, quas cum possessore novi erecti balnei in dicta exempta domo fovebant, obtinere non posset, quia tamen sufficienter demonstraverat, se apud hujates [fol. 71r] et alios plures approbatos magistros pluribus annis pro socio serviisse, admissus est ad examen etiam contra protestante tota balneatorum cohorte. Nostris duobus baccalaureis assignatus fuit aphor. et caput ex arte Galeni, quam materiam laudabiliter repetierunt ideoque ad promotionem die 6. Septembris admissi sunt.
- Acta Facultatis Medicae Universitatis Vindobonensis Vol. 6, Leopold Senfelder, 1912
Acta facultatis medicae Vindobonensis 1.7.169, in: Monasterium.net, URL </mom/AFM/1.7.169/charter>, accessed at 2024-04-30+02:00
The Charter already exists in the choosen Collection
Please wait copying Charter, dialog will close at success