Universitätsarchiv Wien, UAW Cod. Med 1.7 AFM 1677-1709
[14. September 1688] V. congregatio 14. Septembris. Cum aliquis advocatus camerae imperialis, nomine Nipho a balneatoribus apud regimen accusaretur ratione novi balnei, quod in suburbio Windtmül dicto exstruxit, ille balneum medicatum causatus a facultate petiit illud visitari ac probari, inque eum finem commissarios petiit a se solvendos. Cui petito quidem annuit facultas [fol. 71v] sed an sumptibus parcens an causae suae diffidens, Niphorem deinceps reliquit intactam.
Aequissime petierat D. von der Heiden, ut publica fide caverent omnes et singuli facultati incorporati, ne ullus se offerret aut intruderet apud fratres misericordiae, dum ille tamquam ordinarius de facto existens cum ipsis de salario annuo 100 imper. ab imperatore fundato, ab ipsis vero sensim ad 100 flor. diminuto restituendo tractaret, quod et promissum est ab omnibus.
Lecta et probata sunt acta D. Stumpff.
Promotis neodoctoribus Friz et Glesler collata est sessio.
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
