[26. Oktober 1692] 26. Octobris Johannes Christophorus Pünhs imperatricis camerarius obtento privilegio super l'eau de la reine d'Ongrie vulgo aqua reginae Hungariae per Claudium Courtin elaborata contra omnes destillatores in Austria expetiit imprimendum recipe .a facultate sed ob certas causas impressionem facultas denegavit. Ast mirum infelix supplicans sex diebus post mei aditum sideratus occubuit.

Praeterea plurimos agyrtas abegi imprimis Johannem Strasser pseudo-chymicum sutorem et cantorem publicum vulgo dictum, nec non famosam medicastram haereticam e domo libera Stambergensi, itidem Petrum Harnisch Saxonem herniothomum ante tempus nundinarum ad festum Catharinae vi sui neoprivilegii caesarei acquisiti jam erecto theatro in foro piscario agere volentem sine mora per pedellum absolute relegavi demonstrando, illud privilegium imperiale repugnare nostro ab imperatore Leopoldo I. restaurato in exhibendis medicamentis internis, nec ad archiducatum Austriae id esse directum nec quicquam ibidem facultati mandari. Similiter et contrariari privilegiis caesareis confirmatis pharmacopoeorum art. 32 commonstrante extracto anno 1666 12. Aprilis.