[5. Dezember 1703] V. congregatio 5. Decembris. D. Pock sessionem rogavit et obtinuit.

Lectum fuit decretum consistorii, quo ad mandatum regiminis facultas medica et juridica serio admonentur, ut deinceps ita facilis non sit et frequens in promotionibus doctorum et admittendis medicis extraneis alibi promotis, stante absque hoc tanto numero et multitudine doctorum, adeoque actus promotionum et repetitionum ad certos annos suspendendos esse, eoque tam hic promovendos quam extraneos repetentes exacte et rigorose examinandos esse, utrum habiles sint et sufficientes ad praxim medicam exercendam.

Accepta: Ab antecessore 40 flor. 16 cruc., annuum censum de 2000 flor., über Abzug der Vermögen Steuer 80 flor., pro inscriptionibus obstetricum 9 flor., studiosorum 8 flor. [fol. 172r] Jura repetentium D. Schmidt et Pock 16 flor., pro sessione 8 flor., pro examinibus 51 flor., D. Gallermayer relicta haeres restituit, quos debet de reservatis 13 juribus 30 flor. Summa: 225 flor. 46 cruc.

Expensa: Pro saccharatis 32 flor., vino hispanico 15 flor., capellae magistro pro musica 10 flor., curatis pro processione 15 flor., pro ministratione 1 flor. 36 cruc., ecclesiae ministris 45 flor., pedello pro utensilibus 8 flor. 39 cruc., solarium 9 flor., tibicinibus 18 flor. D. Oberleuter restans salarium a decanatu D. Gallermayr 15 flor., D. Beyerl pro laboribus 15 flor. Summa: 140 flor. Restant: 85 flor. 46 cruc.[fol. 177r]21

[1703/ 04]

Acta decanatus I. Wolffgangi Caroli Lebzelter phil. et med. dr. in theoria professoris publici primarii, electi 5. Decembris 1703 sub rectoratu domini Joannis Jacobi Greussing j. u. dr. caesareae majestatis in regimine superioris Austriae consiliarii.

Dom. exdecanus non inani vaticinio inaugurabatur futurum officium decanatus valde sterile propter imminentem tunc temporis tam a rebellione Hungarica quam seditione Bavarica, magnam provinciae Austriacae calamitatem.

Quemadmodum paucis post diebus in festo immaculatae conceptionis imperator Leopoldus I. propter confluentem per omnes Viennae portas populum a visis ad S. Marcum hostilibus Hungaris panico terrore ad urbis hujus fora. et compita turmatim cum suis sarcinis propulsum sacrum cantatum accedere expectantibus licet celsissimo principe episcopo Viennensi, dom. universitatis [fol. 177v] rectore ad 4 facultatem decanis usque ad horam 3. cunctabatur. Hoc publicae pacis discrimen hominum animos impulit, ut de tuenda potius patria quam professionum nobis subordinatarum exercitio cogitarent, quemadmodum etiam tam in ordinariis quam et extraordinariis hujus universitatis consistoriis per plures menses agebatur de sistendis majestati armatis (quotquot universitas exstruere valebat) equitibus ac studiosis pro defendenda ipsa urbe conscribendis.

Ob praefatam rerum turbinem nullum intervenit congregandae facultatis negotium usque ad 4. Junii.