[27. November 1708] Die 27. Novembris Franciscus Henricus Honnecker Bonnensis nunc pharmacopoeus Neostadiensis ab Ignatio Greimbold et [fol. 209r] Francisco Theophilo Pfaler ad examen praesentatus est.

Post impetratum mandatum ad capitaneum satellitum ratione brachii saecularis, cum a magistratu civico arrestati essent duo aurigae ob exhibitum arsenicum, quo febricitans quaedam foemina extincta erat, ut eo citius dicti mandati effectum obtineremus, dedi litteras compassales ad magistratum, ut nobis extraderent delinquentes nostrae instantiae subjectos.

Dekan und Fakultät an das k. Stadt- und Landgericht [Auszug.]

Wird mit Hinweis auf die Privilegien das Ansuchen gestellt, die zwei Gefangenen auf der k. Schranne dem Pedell [fol. 209v] auszuliefern, damit dieser selbe behufs Untersuchung und Verurteilung in „domum universitatis“ abführe.

Ad quae etiam pedello nostro extraditi et a satellitibus ad carceres domus universitatis abducti sunt. Inde a nobis rigorose examinati confitebantur, quod patienti huic porrexerint arsenicum crudum in aqua communi tritum. Cum vero delictum hoc criminale esset, hinc post longam incarcerationem reos ad poenam ulteriorem extradimus consistorio universitatis, eo quod prima nostra sit instantia habeatque jus gladii. Interea ratione missarum a nobis compassalium rector in consistorio objecit, quod decanus et facultas medica non possent litteras compassales mittere, cum facultas medica nullam haberet jurisdictionem, cui tamen ex actis et privilegiis nostris contrarium ostendi nempe quod omnes pharmacopoei, chirurgi, balneatores, obstetrices et alterius farinae homines, qui artem medicam exercent, immediate nostrae jurisdictioni subjecti sint. Rector etiam addidit, quod imposterum non vellent nobis pedellum et carceres concedere, ad quod respondi, quod sic etiam pedello nullum vellemus salarium dare et pedellum nobis proprium assumere. Unde tandem decisum mansit, ut decanus rectorem propter carceres prius salutet eique prius incarcerationem insinuet.

Materialista ad nigrum canem, qui venenum istis aurigis vendiderat, a facultate multatus est 12 flor.