[17. November 1725]

Congregatio 2da habita 17 Novembris

Praesentibus P: M: Sp: et Exc: DD: Lebzelter, Tamen#, Habersack, Widman, Pensa, Caraffa, Mller, Freundt, Rauch, Guarin, Focky, Deimbl, Braun, Sylverius, Weber, Chrisman, Anderler, Salzgeber, Czeppl, Scholz, Schwendiman, Zwenhof, Pfundheller, Kramer, Hirneys, Mannagetta.

1: Johannes Andreas Furlani (qui fruitur Stipendio Emericano nuper supplicans pro Sti= fol.477r

pendio Perlachiano ad datam informationem Spect: et D: Decani, ut Superintendentis repulsam passus est, cum non nisi uni per annum dari possit, et iam alius aquisierit.

2: Exc: D: Josephus Antonius de Mazzella Medicinae Doctor nuper repetens exsuperato iam pridem interstitij tempore praestito juramento et deposito aureo eam# nacttus est

3: Maria Brgerin in Consistorio Passaviensi accusat maritum de impotentia proin per litteras compassus requisita est Inclyta Facultas de oculari inspectione, haec proin per DD: Commissarios et Chyrurgos habita, et inventa est impotentia naturalis perpetua, et iam ante contractum matrimonium praesens, eo quod in pueritia, ob rupturae operationem ambo testiculi penitus ademti, ubi etiam num cicatrices conspiciunt, membrum vero ipsum vix tertiam digiti partem aequet, quod barba careat, proin verus eunuchus sit; quod eidem Consistorio reinsinuatum.

4: Ferdinandus Seyringer supplicat loco filij pro stipendio Sorbaithiano, remissus est ad Venerabile Consistorium Universitatis, cum penes illud stet collatura.

5: Maria Agatha Hoyn et Maria Catharina M„rcklin, quarum prior apud M: D: Faber, altera apud Exc: D: Pensa servierat, rogantes pro stipendio Emaricano nuptiali, remissa sunt pro parere ad DD: Superintendentes.

6: Balneatores Neostadienses supplicant pro patentibus contra non examinatos et vagabundos, conclusum: ipsius dandas esse patentes iam prius impressas.

7: Venit decretum Venerabilis Consistorij Universitatis iniungens meliorem respectum et observantiam erga Spectabiles D: Decanos et Seniores, quod decretum fere omnes aegerrime habuit, iudicantes, se quid simile promeritos non fuisse.

8: Venit abunde alterum decretum, iniungens, ut videatur, quomodo Exc: D: Braband collega a mendicando abstrari possit, et conclusum: Videatur, ut possit in patriam urbem ad S: Hypolitum mitti, et ut per collectam fiat contributio pro ipsius meliori sustentatione annuatim expendenda.

9: Balneator Eugenius Burckhard illicite hinc inde practicans, et diversa balnea tenens, qui hodie comparere debuisset, dedit declinatoriam fori, conclusum: (cum Excelsum Regimen omnibus iudicibus demandaverit, ut nullam paritionem alteri instantiae faciant, sine expresso praedicti Regiminis decreto) ut ibidem contra hunc renitentem instantia fiat, quod et# factum.

10: Exc: DD: Pensa et Freundt retulerunt, quod in causa Exc: D: Deimbl physici Cassoviensis Dominus Rector et Venerabile Consistorium Universitatis 9na Novembris: non observata Facultatis protestatione, contra proprium 13 Julij huius anni datum conclusum ad nuda suffragia mendicata, et praegressas palpabiles suggestiones condemnaverint Inclytam Facultatem ad solutionem jurium, sed cum constet de decreto, vi cuius cassovij constans adesse debet; conclusum: appelationem esse faciendam. fol.477v

11: Tres Exc: DD: Censores Facultatis suadent, ut DD: Superintendentibus Emericanis expediantur decreta, cum instructione, ut relationes dandas semper ambo subscribant, 2do ut in Janurio pro puellis nubentibus, in Julio pro studiosis dentur informationes, 3tio: ut nunguam# pro uno solo, sed semper pro omnibus dentur illae informationes simul,4to: ut ad DD: Professotum testimonia attendant,5to: ut pro unaquaque solutione specialem accipiant quietantiam, et ut singulo triennio rationes ab utroque subscriptas edant, conclusum: Fiat.

12: Legebatur ulterior inhaesio executionis a Venerabili Consistorio contra Facultatem intendentae, ob solutionem 1000 fl: conclusum: adhuc semel esse remonstrandum. quod hoc modo sit impossibile.

13: Franciscus Antonius Dilmont et Josephus Glaser Medicinae studiosi rogant pro reassumendo examine pro baccalaureatu, conclusum: cum candidatus Salomon# etiam sit in procinctu, ut eo usque expectent.

14: Susanna catharina Dreybuschin obstetrix ex junioribus rogat pro adiutrice, et quidem ex insulsis motivis, sed negativam accepit.

15: Franciscus Andreas Randter Bullatus Medicinae Doctor rogat extraditionem suae bullae, conclusum: fiat, et eat, quo velit.

16: Nuper supplicans laurentius Krner loco Philippi Schallinser# affert decretum Excelsi Regiminis, quo mandatus, ut parere Medicum detur, et conclusum: ut proxime detur.