[11. September 1736]

11. Septembris invisitatis Exc. DD. Maderer, Vogl, Scholz, Hentschl citatus comparuit Franciscus Dechemon, philosophiae et medicinae doctor, qui ultra annum iam repetitionis desiderium affectans sub interdictione praxeos admonitus fuit, ut se quantocius ad hunc actum disponat, cui illo ipso momento se addixerat et supplicem libellum porrexerat.

2^do Denunciant aulici chyrurgi Phillipum Wodiska, balneatorem in Via Regia, contra factam balneatorum gremio inhibitionem chyrurgum28 se subscribentem, supplicantque, ut in posterum ipsius tituli huius usurpatio denuo interdicatur. Citatus proinde se cum ignorantia excusavit, asserens de expedito Dureto# nec ex parte gremij, nec aliunde sibi minimum unquam constitisse. Conclusum fuerat, ut seniores hac desuper citentur ipsi vero nervose chyrurgi titulus inhibitus fuit.

3^o Comparuit carcerata nuper ob impertinentiam obstetrix Elisabetha Kruegin, ac dum duplicatam steurae partionem deposuisset, solemniter me[?] deprecata est, et ita iuramenti admonita dimissa.

4^o Citatus secunda iam vice impostor Jacobus Andre, non# conparuit.

5^o Pariter subscriptus in schedula D. Selenet citatus emanserat, cui me secunda citatio adiudicata fuit.

6^o Eva Schillerin desponsata modo Sartorin, in servitio antea apud Exc. DD. Anderler, supplicat pro stipendio Emericano. Remissa est pro parere ad DD. superintendentes.

7^mo Supplicat Anna Barbara Stowasserin obstetrix, ut Maria Catharina Heiserin practicans iam per aliquot annos in Hernals pro adiutrice ad illam inscribatur, quo etiam partim rationibus partim misericordia erga inscribendam mota consensit commissio. (fol.162r)