[21. Juli 1722]

Die 21 Julij []1722] congregatio privata habita praesentibus P. M. Sp. et Exc. DD. Garelli jun., Lebzeltern, Faber, Kremer, Pock, Mannabach, Freundt, Rauch.

1^mo Domina Elisabetha Deimblin petit absolutorium ob administratam ab ipsius D. marito fundationem Emericanam. Resolutum, quod ulteriorem resolutionem datura fuerit facultas, ubi accepta magis exacte in suis rationibus allegaverit.

2^do Theresia Bubin supplicat inscribi ad obstetricem Adlmanin. Conclusum, cum quaedam ex senioribus non velint tenere adiutrices, et haec sit una ex proximioribus, ergo fiat haec gratia.

3^tio Johannes Jacobus Biern medicinae studiosus supplicat pro stipendio Emericano, decisum, pro parere.

4^to Nicolaus Braband, chyrurgiae discipulus, filius nostri collegae, sollicitat adiutam. Conclusum, cum aerarium sit exhaustrum, non posse pro nunc consolari.

5to D. Primus Chrisman supplicat pro stipendio annuo Büttneriano, cuius anni medietas ante gradum elapsa erat. Conclusum, fiat haec gratia.

6to Proponebatur, quod iam a tot annis nullae rationes datae fuerint ex fundatione Sorbaithiana et Büttneriana, item a morte D. Deimbl per quinque iam annos ex fundatione Emericana, spondebant vero DD. superintendentes praesentes se proxime daturos.

7^mo Proponebatur, quod D.D. Zebriach, utpote superintendens asserat, quod de fundatione Perlachiana nihil solvatur, et quod ad resuscitandam hanc fundatione condissio data sit D. causidico Pichl, hinc conclusum, potius facultati hanc resuscitatione competere, ne praeiudiciam oriatur, constitutique sunt commissarij DD. Freundt et Rauch.

8^vo Examinatae fuerunt post completum disciplinae tempus duae obstetrices, ut infra patebit.