[24. August 1742]

Die 24. Augusti congegatio plenaria praesentibus PP. Sp. Cl. et Exc. DD. Deimbl, Freund sen., Anderler, Vogl, Mack, Proski, Steindl, Falniz, Freund jun., Sabiz, Paesmayr, Hauzinger, Marheer, Juschiz, Ruck jun.

1. Protulit Cl. et consult. D. ### Egl specificationem quandam expensam ob factam facultati servitium causarum ab anno 39 et 40. Conclusum ut eum moderamine solvatur et qdm# si fieri posset# ad 30 Fl.

2. Suplicantes medicinae quattuor baccalaurei, Franciscus Gamnig, Josephus Habermann, Alexander Mayr, Franciscus Pachner pro stipendio Emericano, et Josephus Linz, cum Joanne Josepho Ekhart, medicinae studiosus, pro Bttneriano remissi sunt pro parere ad DD. superintendentes.

3. Catharina Hellin, inscripta adiutrix ad Elisabetham Kunzelmanin, obstetricem rogans examen, tulit negativam.

4. Catharina Scheubnerin, obstetrix ad S. Marcum supplicat inscriptionem adiutricis Catharinae Schillingerin, et ipsi concessa est.

5. Cl. et Exc. DD. superintendentes fundationis Stumpfianae favorabilem dant relationem fruendi stipendij pro Leonardo Antonio Mller et Joanne Ruez, medicinae studiosis, quibus etiam collatum est.

6. Sp. D. de Habersack, superintendens fundationis Sorbaithianae, inclytae facultati exhibet rationes ad praeteritos tres annos, praedictae fundationis, et remissae sunt ad revisionem DD. censoribus.

7. Examinati et privilegiati huiates dentifranguli ac herniotomi Rienhofer, Frank et Kirchner, accusant

fol.250r

huias sortis ad nundinas solum examinatos, #### Weishamer et Rauscher aliosque innominatos eo quod praecipue nominati duo imagones extra suas domos affigent ultra sua privilegia. Hinc, cum iam semel moniti fuerint, pedello iniunctum fuit, ut imagines has auferat, cum admonitione ulteriori, si deprehensi fuerint in simili, eos incarcerandos esse.

8. Lectum est decretum a venerabili consistorio ad facultatem missum, vi cuius insinuatur, ut fundatio Perlachiana per multos iam annos processibus intricata vindicetur, nisi facultas velit, praesentationem huius stipendij via facti a venerabili consistorio alio determinandum.