[17. November 1742]

Congregatio plenaria die 17. Novembris praesentibus P. Sp. et Exc. DD. Deimbl, Freund, Foki, Silveri, Vogl, Fezer, Mak, Proski, Hirsch, Diettman, Rauch jun., Steindl, Hentschl, Plencius, Sabiz, Paesmayr, Hauzinger, Marheer, Juschiz, Ruck jun.#

1. Proposita fuerunt gravamina DD. superintendentum fundationis Emericanae D. Deimbl et Fezer, et quidem cum in litteris fundationis legerint hoc stipendium studijs agramatica# usque philosophiam finitam, exclusis medicinae studiosis conferendum esset, hinc tantum quaerunt (ut solvisent# in administratione) quid faciendum sit. Et conclusum, cum haec fundatio per transactiones legitimas in modernum statum devenerit, ideo tractanda haec ulterius sit, uti modo est.

#

2. P. D. superintendens fundationis Bttnerianae dat favorabilem relationem pro hoc anno fruendi stipendij 25 Fl. pro studioso medicinae, Francisco Petrovich et Joanne Josepho Ekhart, quibus et collatum fuit.

3. Examinati duo balneatores in Mödling et Brun conquerentur, contra quendam inexaminatum in oppido ## existentem, et rogant ut illicite hic practicans abigatur, et conclusum, cum hoc circa istos inexaminatos balneatores iam ante annum apud excelsum regimen incepta sit, ideo supplicantes suo petito confugiant ad idem.

4. Supplicans Elisabetha Crenzin, in servitijs quondam apud Exc. D. Tschandeg, nunc vero nupta, pro stipendio nuptiali Emericano remissa est pro pare ad DD. superintendentes.

fol.251r

5. Citatus dentifrangulus et herniotomus Weishamer non comparuit, mediante quo propositum fuit, quod in diversis litteris testimonialibus examinem multa incongrua et prothocollo contraria reperta sint, ideo conclusum, ut imposterum omnes conceptus talium litterarum priusquam in mundum scribantur a pedello D. notario ad revisionem tradantur, quae revisae dein ab eo subscibuntur, tandem scriptae collacionentur cum conceptu producto, et sic ad obsignationem Sp. D. decano deferantur.

6. Maria Anna Hucterin, inscripta et iterum dimissa adiutrix apud obstetriceem Armin, supplicat transcribi ad matrem suam, obstetricem non quidem ex senioribus Barbaram Richterin, cui petito assensit facultas, sed sine consequentiam.

7. Exc. et Cl. DD. censores dant relationem de revissationibus a Sp. D. de Habersack, fundationis Sorbatithianae superintendente datis. Et cum omnem calculum tulerint, dandum ei esse absolutorium, iniunxit facultas.

8. Anna Maria Haklin, spicularia conquerens contra obstetrices Altmanin et Stephanin, eo quod ipsam in puerperio taliter destruxissent, ut urinam detinere non valeat, quod inquirendum esse in commissione visum est, quae commissio etiam in# 28. Novembris indicta fuit. Et comparuerint P. M. et Exc. DD. Engl, Vogl, Hirsch et Marheer, ubi causa hoc stricte citatis etiam balneatoribus specularia attestantibus examinata fuit, et inventum, quod actrix prius ante puerperium nempe in Spinadorfi a patre suo laesa fuerit, attestata etiam data a balneatoribus solumodo secundum asserta ipsius actricio facta fuerant ideoque non in favorem suum erant, obstetrices etiam, cum infors# capite iam prostante manibus nullum talem defractum# inducere potuerunt. Hinc conclusum, quod actrix paralysi vesicae affecta sit, et ideo obstetrices a culpa absolutae sunt.

fol.252r