[19. Juli 1743]

Congregatio plenaria die 19. Julij praesentibus PP. Sp. Cl. et Exc. DD. Freund, Quarin, Bucamps, Dam, Anderler, Vogl, Scholz, Fezer, Mack, Proski, Diettman, Hirsch, Steindl, Hentschl, Knoblach, Plencius, Schellenberg, Falniz, Freund jun., Sabiz, Juschiz.

1. Pro Stipendijs supplicantes medicinae studiosi Wenceslaus Mareschler pro Emericano, et Franciscus Petrovich pro Bttneriano, remissi sunt pro parere ad D. superintendentes.

2. Exc. et Cl. DD. censores fundationis Stumpfianae favorabilem dant relationem fruendi stipendij pro Joanne Ruez, et Leonardo Mller, medicinae studiosis, et ipsis collatum est.

3. Exc. D. Dr. Bergotina ad nupere factam declarationem in originali protulit sua ad actum repetitionis necessario documenta, uti et credidit se habere D. Dr. Senger, verum cum prioris attestata sufficientia fuerint pro admissione ad facultatem, idem uti antecedentes duo D. Dr. admissus est, Dr. Senger vero propter incompletum adhuc studium, et de non exercita in quodam nosocomio praxi medica ad ulteriorem patientiam remissus est, suique informatio ad venerabile constum de his quattuor DD. doctoribus exhibita est.

fol.257v

4. Exc. D. Dr. Hueber vero admissionem ad actum repetitionis supplicans remissus est suo petito ad aulam.

5. Lectum est decretum deputatae aulicae commissionis ratione dandae novae steurae; et facta fuit in eo admonitio ut non solum de novo pro hoc quidem annui iterato univeristas 6000 Fl contribuat, verum etiam de non prioribus annis exsolutam restantiam 24 300 Fl. exposit. Et conclusum, ut fiat desuper remonstratio impossibilitatis huius solutionis.