C. In nomine sanctae et individuae trinitatis. Heinricus divina favente clementia rex. Omnibus Christi nostrique fidelibus tam futuris quam presentibus notum esse volumus, qualiter nos ob interventum ac petitionem dilectissimae genitricis nostrae Agnetis imperatricis augustae nec non ob fidele servicium Baltwini Salzburgensis archiepiscopi quinque mansos habitatos in marchionis Otacheres marchia Carintina in villa autem Gunprehtesteten sitos, si ex integro in eadem mensurari possent, sin autem minus, in proximis superioribus eiusdem villae partibus iuxta flumen Lonsinice in terra culta expletos cum omnibus pertinentiis suis, hoc est utriusquc sexus mancipiis areis aedificiis terris cultis et incultis, agris pratis pascuis campis silvis venationibus aquis aquarumque decursibus molis molendinis piscationibus exitibus ac reditibus, viis et inviis, quesitis et inquirendis cum omni utilitate, que ullo modo inde provenire potest, sanctae dei ecclesiae ad altare sancti Roperti confessoris in loco Salzburc dicto in proprium dedimus atque tradidimus ea videlicet ratione, ut predictus archiepiscopus ceterique sui successores de prefato predio liberam dehinc potestatem habeant tenendi commutandi precariandi vel quicquid sibi pro utilitate suae ecclesiae placuerit inde faciendi. Et ut haec nostra regalis traditio stabilis et inconvulsa omni permaneat aevo, hanc cartam inde conscribi manuque propria ut subtus cernitur corroborantes sigilli nostri impressione iussimus insigniri.||
Signum domni Heinrici quarti regis. (M) S. ^a)||
Gebehardus cancellarius vice Liutpaldi archicancellarii recognovi.||
Data est kal. iunii, anno dominicae incarnationis M°LVIIII, indictione [XII], anno autem ordinationis domni Heinrici quarti regis V, rogni vero III; actum Goslare; in dei nomine feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 159-160.