+ C. In nomine sancte ac individue trinitatis Theobaldus dei gratia Patauiensis episcopus universis Christi fidelibus inperpetuum. +||
Cum pie desiderium voluntatis et laudande diffinitionis intentio pastoralibus studiis semper sint iuvanda, cura sollicitudinis est adhibenda, ut ea que iusta et legittima conventione pertractata fuerint, in recidivum relabi scrupulum non possint. Eapropter omnibus Christi fidelibus innotescere volumus, quomodo Gotschalcus Walthusensis prepositus una cum consensu fratrum suorum possessiones, quecumque in Lungo ecclesie Walthusensi attinebant, tam cultis quam incultis, quesitis et inquirendis, molendinis molendinorumque locis, aquis aquarumque decursibus, exitibus et reditibus, agris, pratis, silvis, pascuis, montanis et planis, cum mancipiis omnique integritate iuris, quo eadem predia sue ex antiquo pertinebant ecclesie, Gundachero Salzburgensi preposito et eiusdem ecclesie choro in perpetuum libere ac quiete possidendas pro centum et decem marcis Friesacensis monete vendiderit atque tradiderit, salubri super hoc habita deliberatione, ut ex eodem precio viciniora et commodiora predia sue conquireret ecclesie. Hanc igitur providentiam utrinsque partis utilem prospicientes, quia Walthusensis ecclesia cum omni iure suo Patauiensi, cui licet inmeriti presidemus, integraliter attinebat et eo respectu sine auctoritate nostra predicta venditio rata plenarie haberi non poterat, nos utrique parti provisum esse cupientes in posterum ad peticionem predictorum Gundacheri Salzburgensis et Gotschalci Walthusensis prepositorum de consensu et coniventia tocius chori nostri pretaxatam venditionem auctoritate nostra corroborantes tam manu nostra quam advocati Walthusensis ecclesie Ottonis comitis de Uelburch prenominatas possessiones in Lungo sitas eidem Gundachero preposito et ecclesie sue choro potestative delegavimus. His sane tam congruo rationis moderamine peractis contigit, quosdam Walthusensis ecclesie fratres simul cum sororibus cassa penitudinis mobilitate super eorundem venditione prediorum intensius turbari ac sepenumero dictam conventionem in irritum a nobis revocari instanter postulare. Illorum itaque inconsiderati ausus inportunitati quamquam usus et equitatis censura prorsus esset contraria, nostri tamen interventu consilii prememoratus Salzburgensis prepositus suorum assensu fratrum voluntati nostre consuetus satisfacere, marcas quindecim Friesacensis monete, ut omnium in hoc negotio sibi detrahentium excluderet livorem, Walhthusensi^a) preposito et ecclesie sue collegio una cum scifo argenteo superaddidit ac demum tocius congregationis tam clericorum quam fratrum conversorum et sanctimonialium Walthusensis ecclesie obtento in predicta venditione consensu factum ipsum roborari nostroque iure ac benivolentia petiit consummari. Nos ergo debitum nostre devotionis circa Salzburgensem sedem attendentes, ipsius carissimi nobis in Christo amici Gundacheri prepositi et ecclesie sue chori precibus libenti animo consensimus et ne pretaxate venditionis series ullo deinceps retractari valeat ingenio, presentis scripti pagina sigilli nostri munimine signata confirmare dignum duximus. Ne quid preterea ingeniosus livor ad sue pravitatis commentum hac parte inveniat, testes ex ordine placuit conscribere. Horum hec sunt nomina: Manegoldus abbas de Chremsmunstvr, Otto prepositus Patauie, Tagno decanus, Burchardus de Chamb, Ulricus prepositus de Ardacher, Meingotus arcidiaconus, Wernherus prepositus de Matse, Meinhalmus Pataviensis plebanus, Richerus prothonotarius^b) Patauienses canonici; Rudmarus abbas de Chotwich, Chunradus abbas de Medelich, Wintherus abbas de Altenburc, Berhtoldus prepositus sancti Georii, Hainricus prepositus ecclesie sancti Nicolai, Marchwardus prepositus de sancto Andrea, Siboto decanus de Chrems, Chunradus decanus de Ramuolspach, Chunradus decanus de Louchse, Pilgrimus decanus de Tvlin, Albertus decanus de sancta Agatha, Otto prepositus de sancto Leonardo, Albertus plebanus de Stadlo, Uolchmarus plebanus de Gors, Marchwardus plebanus de Rakz, Hermannus plebanus de Tobraischirch, Dietricus plebanus de Mistelbach, Eberger plebanus de Valwa, Eberger de Abstet, Sarilo plebanus de Gowats, Gotfridus plebanus de Niwenchirc, Gotfridus plebanus de Werde, Gotschalcus plebanus de Vvldinsdorf, Vlricus plebanus de Sighartschirch, Gebehardus plebanus de Chapell, Rudolfus plebanus de Herzovgenburc, Meinhardus plebanus de Staininchirc, Albertus plebanus de Pecetichirc, Arnoldus plebanus de Verowendorf et alii quam plures honorati viri.||
Acta sunt hec anno incarnationis domini millesimo centesimo LXXX°VIIII°, mense iulio, in capitulo celebri Chrems, iura poli Clemcnte inperante, iura fori Fridrico feliciter amministrante.||
S.^c)

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 619-621.