C. ++ In nomine sancte et individue trinitatis. Philippus secundus divina favente clementia Romanorum rex et semper augustus. ++ Quociens a nobis postulatur, quod * honestati dinoscitur convenire et unde eterne retributionis premium nobis speramus acquirere, illud nos decet libenti animo concedere et petentium desideriis congruum suffragium impertiri. Noverint igitur universi fideles imperii tam presentis evi quam futuri, quod nos a preces dilecti fidelis nostri Alberti prepositi Salzeburgensis fratrumque eiusdem capituli pro spe eterne vite omnes inibi utriusque sexus homines secundum * regulam beati Augustini deo famulantes et divinis serviciis mancipatos et omnia bona eorum mobilia et inmobilia ab antecessoribus nostris et eiusdem loci archiepiscopis aliisque principibus, sed et quibuscumque iustis modis pro remedio animarum ad sustentationem eis collata sunt, que in presentiarum iuste ac rationabiliter possidere dinoscuntur aut in futurum concessione pontificum, largitione regum vel principum seu oblatione aliorum Christi fidelium iuste adipisci poterunt, sub * nostra recipimus protectione et regali confirmantes auctoritate ipsis eorumque successoribus firma * et illibata decernimus permanere, in quibus hec propriis exprimenda duximus vocabulis: locum ipsum, in quo ecclesia Salzpurgensis episcopalis sita est et a nostris antecessoribus in honore beatorum apostolorum Petri et Pauli, sancti Ro/Uberti precipui confessoris fundata et locupletata dinoscitur, cum omnibus pertinentiis suis infra civitatem et extra, amministrationem in Lo/ungowe cum montanis et alpibus et monte Duro aliisque suis pertinentiis eis collatam â Heinrico felicis memorie imperatore Romanorum Babinbergensis ecclesie fundatore¹⁾, amministrationem in Chyemgewe cum omnibus pertinenciis suis ab Ottone magno imperatore eis donatam²⁾, amministrationem in Erdingen et Bettingin cum omnibus pertinentiis suis ab Arnoldo rege eis traditam³⁾, Saldorf cum omnibus sibi attinentibus, oblationes que dicuntur Sundirgo/ut a fidelibus Christi rationabiliter eis collatas, partes salinarum in Halle et Tuval cum omnibus ad eas rite pertinentibus, Arnisdorf cum omnibus sibi attinentibus, curtem in Chremsê cum omnibus suis appendiciis. Sanctimus etiam, ut nullus de loco in quo statuti sunt ad militandum et serviendum deo et communem vitam ducendi secundum regulam beati Augustini audeat eos amovere aut super ipsos ordinem alterius professionis inducere. * Prohibemus etiam, ut nullus advocatus predicte ecclesie alium pro se substituere audeat et homines eorum quocumque iure ad eorum usus spectantes sive bona eorum iniustis vexationibus fatigare seu novas exactiones aut inconsueta iura sibi invenire presumat. Decernimus ergo, ut nuli * hominum imperii nostri liceat prefatam ecclesiam temere perturbare aut eius possessiones auferre vel ablatas retinere minuere seu quibuslibet vexationibus onerare, sed omnia integra conserventur eorum pro quorum gubernatione et sustentatione concessa sunt usibus omnimodis profutura. Et ut hec nostra sanctio in futura tempora inconvulsa permaneat, iussimus hanc paginam conscribi et sigilli nostri impressione communiri. Huius rei testes sunt: Wolfgerus Aquilegensis patriarcha, Adolfus Coloniensis archiepiscopus, Co/unradus Spirensis episcopus, Hertwicus Augustensis electus, Odacrius Boemorum rex, Heinricus frater eius marchio Morauie, Lodwicus dux Bawarie, Bernhardus dux Karinth(ie), Otto palatinus comes de Witlinispahc, Godefridus marchio de Ro/umisperc, Hartmannus et Lodwicus comites de Wirtinberc, comes Lodwicus de Otingên, comes Marquardus de Verngen, V/olricus de Gundiluingên, Heinricus de Kallindin imperialis aule marscalcus, Heinricus dapifer de Walpurc, Heinricus de Smalinecki et alii quam plures. ||
++ Signum domini Philippi secundi Romanorum regis invictissimi. ++ M||
Ego Co/unradus Ratisponensis episcopus regalis aule cancellarius recognovi.||
Acta sunt hec anno dominice incarnationis millesimo CC°VII° indiction. XI^a, regnante domino Philippo secundo Rom(anorum) rege glorioso, anno regni decimo; datum apud Augustam per manum Sifridi regalis aule prothonotarii, IIII° idus decembr.||
S^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 101-103.