In nomine sanctae et individuae trinitatis. Hludouuicus divina favente gratia rex. Constat nos divina dispensante gratia ceteris mortalibus supereminere, unde oportet, ut cuius praecellimus munere eius studeamus modis omnibus parere voluntati. Quapropter conperiat omnium fidelium nostrorum praesentium scilicet et futurorum industria, quia vir venerabilis Liuprammus sanctae Iuuauensis ecclesiae archiepiscopus obtulit nobis auctoritates inmunitatum avi videlicet nostri pie recordationis Karoli imperatoris necnon domni et gonitoris nostri Hludouuici, serenissimi augusti, in quibus continebatur insertum, qualiter ipsi praedictam sedem, quae est constructa in honore sancti Petri principis apostolorum, ubi etiam beatissimus confessor Christi Hruotbertus corpore requiescit, cum monasteriis virorum et puellarum sive cum reliquis cellulis sibi subiectis et rebus vel hominibus ad se pertinentibus vel aspicientibus sub inmunitatis sue defensione consistere fecerant et confirmaverant, ut quicquid ex liberalitate regum reginarumque ducum vel ceterorum fidelium * eidem sedi conlatum fuerat, perpetuo in eius dicione consisteret. Ob firmitatis namque studio^a) petiit excellentiae nostrae praedictus praesul, ut morem parentum sequentes eandem sedem cum omnibus sibi subiectis simili modo sub nostra constitueremus defensione et inmunitatis tuitione. Cuius precibus ob amorem dei et reverentiam ipsius sanctae sedis adsensum praebuimus et hanc nostrae auctoritatis inmunitatem firmitatis gratia erga ipsum sanctum locum fieri decrevimus, per quam praecipimus atque iubemus, ut sicut a praedictis piis principibus constat, eandem sedem sub eorum inmunitate hactenus consistere, ita deinceps sub nostra permaneat defensione, et quicquid eidem ecclesiae retroactis temporibus conlata fueruut et * modo a fidelibus * conferuntur vel quae deinceps legaliter conlata fuerint, per hanc auctoritatem nostram absque alicuius contrarietate teneat atque possideat, et nullus iudex publicus vel quilibet superioris aut inferioris ordinis reipublice procurator in monasteria cellulas ecclesias * loca vel agros seu reliquas possessiones memoratae ecclesiae, quas moderno tempore * iuste et legaliter possidere videtur, vel que deinceps in iure ipsius sancti loci voluerit divina pietas augeri, ad causas iudiciario more audiendas vel freda aut tributa exigenda aut mansiones vel paratas faciendas aut fideiussores tollendos aut homines ipsius ecclesiae tam ingenuos quam et servos super terram ipsius conmanentes, * distringendos nec ullas redibitiones aut inlicitas occasiones requirendas ullo umquam tempore ingredi audeat vel ea quae supra memorata sunt penitus exigere praesumat, sed liceat memorato praesuli suisque successoribus res praedictae matris ecclesiae sub inmunitatis nostrae defensione quieto ordine possidere, et quicquid de reb[us pra]edictae^b) ecclesiae ius fisci exigere poterat, sicut [in] ^b) praecepto domni et genitoris nostri continetur, totum eadem ecclesia sibi habeat indultum, ut [in]^b) alimonia pauperum et stipendia clericorum ibidem deo famulantium perpetuo proficiat in augmentum, quatenus praedictus episcopus unacum clero et populo sibi commisso pro nobis et stabilitate regni nostri domini misericordiam adtentius exorare valeat. Haec vero auctoritas, ut per diuturna tempora inviolabilem atque inconvulsam obtineat firmitatem, manu propria subter firmavimus et anuli nostri inpressione signari iussimus.||
Signum (MF) Hludouuici gloriosissimi regis. ||
C. Adalleodus diaconus ad vicem Grimaldi recognovi et subscripsi. (NT.)||
Data VI kal. mart., anno Christo propitio quarto regni domni Hludouuici regis in orientali Francia, indictione XV; actum Otingas palatio regio; in dei nomine feliciter amen

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S 24-25.