In nomine sancte et individue trinitatis amen. Eberhardus dei gratia sancte Salzeburgensis sedis archiepiscopus, apostolice sedis legatus, universitati Christi fidelium salutem in perpetuum. Quoniam quicquid intuitu pietatis per nos aut coram nobis gestum fuerit, ex debito nostri officii adeo firmare tenemur, ne per processum temporis per oblivionem aut suggestionem malorum in irritum revocetur, noverint igitur omnes Christi fideles presentes et futuri, quod consensu et bona nostra voluntate ac consilio chori et ministerialium ecclesie nostre, consentiente quoque domino Hainrico Frisacensi plebano V/olricus de Dierensteine exemit cappellam sancti Iacobi fundatam in patrimonio suo iuxta nominatum castrum a plebe Frisacensi cum manso in Retsah quem Iohannes coluit, eo scilicet tenore ut prescripta cappella omne ius plebis preter ignitum ferrum et iudicium aque habeat, et hoc tantum in hominibus dicti V/olr(ici) et liberis iuxta ipsam cappellam manentibus, proprium quoque sacerdotem cum decimatione dotis perpetuo habeat. Sane quoniam exceptionem prescriptam pro peticione karissimi nepotis nostri domini Waltheri admisimus Gurcensis episcopi, decrevimus ipsam cappellam sibi eiusque successoribus taliter conferre, ut per eum ac successores eius sacerdos in ea secundum peticionem memorati Vl(rici) ac posteritatis sue instituatur. Verum ut presens factum a successoribus nostris inconvulsum conservetur, hanc paginam sigilli nostri inpressione cum testibus subscriptis munivimus. Horum testium nomina sunt hec: Werenhardus prepositus, Hartfridus decanus, Werenherus celerarius et sacrista Salzeburgensis ecclesie, V/olricus prepositus, Hainricus decanus, V/olscalcus sacrista, Otto hospitalarius Gurcensis ecclesie, prepositus de Chiemse, Conradus de Sulzowe, Conradus de Muldorf, Conradus de Tisentis, Conradus notarius, V/olricus de Strazganc cappellani domini Salzeburgensis archiepiscopi; Hartliebus, Purchardus, Albertus notarius cappellani domini Gurcensis episcopi; Siboto de Surberch, Chu/ono de Werven, Marchvardus de Vorhtenstein, frater eius Rudgerus et Gerhohus, Fridericus de Pettov, Otto de Libniz, Conradus de Cholenberch, ministeriales Salzburgensis ecclesie, Peregrinus pincerna, Alexander, Arnoldus, V/olricus, Perhtoldus de Motniz, Marchvardus^a) et Perhtoldus de Albek ministeriales Gurcensis ecclesie.||
S.^b)||
Acta sunt hec anno incarnationis domini MCCII, indict. V, XVI kal. ianuarii, pontificatus nostri anno secundo, apud Salzburhc; feliciter amen.

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 33-34.