+ ++ In nomine sancte et individue trinitatis. ++ Eberhardus divina favente clementia Salzburgensis archiepiscopus, apostolice sedis legatus. Notum sit omnibus Christi fidelibus tam futuris quam presentibus, Reimbertum de Mu/orekke ministerialem ducis Sirie^a) quandam ministerialem Salzburgensis ecclesie duxisse quondam in uxorem et ex ea filias tres et unum filium generasse, procedente autem tempore nobis et illustri duci Stirie visum est ratum et honestum, conmutationem quandam taliter suborire quod Gerdrudis et Elisabeth filie predicti R(eimberti) absolute duci Stirie attinerent, reliquis, filio suo scilicet et filia iure certo et antiquo spectantibus ad ecclesiam Salzburgensem, et quod filius a sepedicto R(eimberto) post hos primo proveniens ducis esset Stirie, prole quacumque Reimberti et uxoris eius postgenerata particione iusta et duci et nostre ecclesie destinata. Permisimus quoque, quod utrisque liberis tam ad ecclesiam nostram quam ad ducem devolutis particio hereditatis utrolibet proveniens sine omni conmutationis preiudicio destinetur, ita scilicet quod hii, qui fuerint nostre ecclesie, partem hereditatis liberorum illorum Stirensium iuste percipiant, et econverso, videlicet quod hii, qui Stirenses sunt, eiusdem prolis iustam portionem hereditates habeant cum hiis, qui ad ecclesiam spectaverint Salzburgensem. In conmutationem autem filiarum sepe et supra nominati Reimberti dux Stirie Liupoldus duos filios Meinhardi de Hornberch, Meinhardum scilicet et Goetfridum ecclesie nostre contradidit absolute, ceterum conmuni consensu nostri ac ducis est constitutum, quod quicquid prefatus R(eimbertus) Elisabeth uxori sue predii sui Stirensis pro tempore vite sue constituerit, ipsi liceat sine perturbatione iniuriantium possidere quicquid id fuerit, prolem ipsorum post mortem antedicte domine iuste et legitime contingente. Ut autem hec nostra constitutio permaneret inconvulsa, inpressionem sigilli nostri fecimus tenori presentium adhiberi. Huius autem testes facti sunt hii: comes Chunradus de Bleigen, comes Lu/oitoldus, Hademarus de Konringen et filius eius Albero, comes Gebehardus de Tollenstein, Herrandus de Wildonia, V/olricus de Stubenberch, Erkengerus de Landeshere, Albero de Dunchenstein, Diermarus^a) de Liehtenstein, Wigant de Clamme, Kolo de Truhschen^a), Gotfridus de Truhschen, Heinricus de Schaerffenberch, Gerhardus Boemus, Gerhohus de Percheim, Goetfridus Keltze, Fridericus de Petouia, Reimbertus de Uriesaco, et alii quam plures audientes hec eadem et videntes. Acta sunt hec anno ab incarnatione domini M°CC°VIII°, data autem apud Niwenburch, II kal. aprilis.||
S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 109-110.