In nomine sancte et individue trinitatis. Ego Eberhardus dei gratia sancte Salzpurgensis ecclesie archiepiscopus, a(postolice) s(edis) l(egatus), tam presentibus quam futuris in perpetuum. Considerantes et attencius animo revolventes Christo vere conferri, quod pauperibus suis et religiose viventibus confertur et, quod collatum est religionis intuitu, non temporaliter sed perpetuo aput eos manere debet. Omnia igitur, que a predecessoribus nostris Salzpurgensis sedis archiepiscopis monasterio sancti Pauli sive in agris sive in decimis seu etiam in ecclesiis, scilicet in ecclesia sancti Martini, ubi quidam de fratribus morantur, et in ecclesia Gorensch et in capella, que sita est in castro Ramestein, et in ecclesia sancti Cholomanni apud Griuen et in ecclesiis in monte Winperk et Syrneco/v et in ecclesia, que sita est in monte Pvsters, et in ecclesia, que sita est in monte sancti Iohannis, et in ecclesia sancti Egidii, que sita est in ipso monasterio, que parrochialis dicitur, et in omni iure parrochiali, quod hucusque habuerunt vel in aliis possessionibus, in quarum quieta possessione actenus fuerunt fratres predicti monasterii, donata sunt bona nostra voluntate, sicut iure debemus, ipsis permittimus et donationem ratam habentes pacem et stabilitatem eis statuimus ita, ut omnibus illis licite ac sine impedimento fruantur et hec nostra constitucio perpetuo stabilita a nullo unquam revocetur. Recepimus autem in huius ratihabitionis inditium et testimonium curt[e]m quandam stabulariam, sicut in suo iure i(d est) usu illam habuerunt, Winchlar dictam cum consensu capituli in perpetuum ius proprietatis. Que facta, ut rata per posteros et inconvulsa permaneant stabilitate, testimonio sigilli nostri roboramus auctoritate beatorum apostolorum Petri et Pauli pacis tranquillitatem et perpetuam firmitatem constituentes. Huius autem facti testes sunt: dominus Wlricus Lauendinus episcopus, dominus Pernhardus prepositus Frisacencis, dominus Hartwicus prepositus sancti Virgilii, dominus Rv/odigerus prepositus sancti Andree, Eberhardus de Shonenstein, Otto de Chunigesperk, Hainricus Raspe, Ottmarus de Eicheim et alii quam plures.||
Acta sunt hec anno domini M°CC°XL°, VIII° idus decemb., aput Frisacum iuxta ecclesiam beate Marie Magdalene in domo fratrum Tevtunicorum^a) videlicet in hospitali.||
SD.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 513.