Eberhardus dei gratia Salzburgensis archiepiscopus, apostolice sedis legatus, universis presentem paginam inspecturis salutem in domino. Quoniam habere memoriam singulorum fragilitati humane obviat penitus et resistit, ideo necesse est rerum gestarum eventus, ne in oblivionem decidant, aliquo amminiculo memorie hominum commendari. Hoc igitur scripto patere volumus tam presentibus quam futuris, quod, cum Walkerus civis de Graetze, qui est de familia Salzburgensis ecclesie, nobis inpenderit sepius grata servicia et devota, ipsi suisque liberis decimam aput Smêyr iure contulimus feudali, racioni consonum iudicantes a nobis eundem aliquod premium reportare. Ipse tamen nichilominus pro collacione huius feudi decimalem curiam aput Graetze sibi pro centum marcis argenti Wiennensis ponderis obligatam nobis absque omni peccunia resignavit libere ac dimisit. Ne ergo predictus Walkerus suique liberi per nos aut nostros successores feudo supradicto privari possint tempore procedente, ideo pro evidenti testimonio sub subscripcione testium hanc paginam sigilli nostri munimine fecimus consignari. Sunt enim huius rei testes: Heinricus venerabilis Sekowensis episcopus, Berenhardus Frisacensis prepositus, Heinricus plebanus de Graedewin scriba Stirie, comes Chunradus de Hardekke, dominus Hertnidus de Betto/v, dominus Otto de Chunegesperch, dominus Ditmarus de Aicheîm, Gotfridus Cheltzo, dominus Chunradus de Hanno/vwe et fratres sui dominus Waltherus et dominus W/olfingus, dominus Chunradus de Hornekke et filius suus dominus Albertus, dominus Hartungus de Libenz, dominus Engelschalcus de Rôr iunior, dominus Gerhohus quondam marschalcus, Saxo marschalcus, dominus Werenherus magister coquine et alii quam plures. Dat. apud Graetze, anno domini M°CC°XLIII°, indict. prima.||
SD.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 569-570.