Eberhardus dei gracia Salzburgensis archiepiscopus, apostolice sedis legatus, omnibus presentem paginam intuentibus salutem in domino Iesu Christo. Ne gesta rerum elabantur cum tempore, modernorum etas consuevit ea litterarum testimonio perennare. Hoc igitur scripto notum facimus tam presentibus quam futuris, quod defectum, quem cenobium in Alderspach in salibus patitur, attendentes moti visceribus pietatis eidem cenobio ob nostrorum predecessorum et propriorum veniam delictorum nudi salis libram dimidiam cuppularum, quod eîn halb phv/ont vv/oderlein vulgariter appellatur, in salina nostra tradidimus annuatim ita, quod sepedicto monasterio dicta salis quantitas apud salinam nostram annis singulis in festo pentecostes ab officialibus nostris, qui ibidem officium saline pro tempore tenuerint, assignetur. Et ut talis donatio perpetuo gaudeat robore firmitatis, memorato conventui in signum evidens hanc paginam dedimus sigilli nostri munimine consignatam. Sunt etiam huius rei testes: Rudgerus venerabilis Pataviensis episcopus, Otto Salzburgensis prepositus, Waltherus abbas in Raitenhaslach, H(einricus) cellerarius eiusdem cenobii, dominus Gerochus de Salzburch, dominus Libhardus de Tegerwac, dominus Heinricus de Harschirchen, dominus Ortolfus Vulpis, dominus Hertnidus de Noppingen et alii quam plures. Dat. huius aput Burcho/vsen, VI° idus ianuarii, anno domini M°CC°XL°VI°, IIII indict.||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 630.