Iohannes episcopus servus servorum dei venerabili fratri Friderico archiepiscopo Salzburgensi salutem et apostolicam benedictionem. Dignus gratia et honore apud nos esse dinosceris, quod super hiis, que ad decus spectant sedis apostolice, attentus et efficax oportunis temporibus inveniris. Cum itaque, sicut tua nobis insinuatio patefecit, sacramenti corporis et sanguinis domini nostri lesu Christi, in quo fideles retrahuntur a malo, confortantur in bono et ad virtutum et gratiarum proficiunt incrementa, et nonnulle alie sanctorum festivitates in cathedralibus regularibus et collegiatis ecclesiis tuarum dyocesis et provincie solemniter celebrentur, que inter festivitates alias, quibus tibi licet iuxta ecclesie tue privilegia cum palleo celebrare minime exprimuntur, tuis supplicationibus inclinati, ut quotiens te et successores tuos in festivitate eiusdem corporis et sanguinis domini nostri lesu Christi nec non in anniversariis dedicationum ac festis eorundem sanctorum, qui principales sunt patroni ecclesiarum illarum, divina solemniter celebrare contigerit, tu et successores predicti palleo uti libere valeatis, tibi et eisdem successoribus auctoritate presentium indulgemus. Nulli ergo omnino hominum liceat hanc paginam nostre concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Auinion. XVII kalend. septembr. pontificatus nostri anno octavo.^a)||
B.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 350.