Wir Marquart und Fridreich bru/eder von Percheim veriehen offenbar an disem brief und tu/on chunt allen den, di in sehent eder ho/erent lesen, daz wir unserm liben gena/edigen herren hern Fridreichen ertzbischolf ze Salzburch legat des stu/ols ze Rom und seinen gotshous mit verdachtem mu/ot und gu/otem willen unsrer housfrown und erben und nach rat unsrer vreunt verchouft haben unser gerichtt ze Anthering, daz sich anhebt in mitt der Saltzach und get gegen Winchel in den graben an der Tanner gerichtt und datz Ansveld, da di a/echer ouzgent an Matzsea/er gerichtt zwischen des Chelpachs und des Weizzenpachs mitten in di naufart der Saltzach mit allen den nu/etzzen und rechten, di dar zu/e geho/erent besu/ocht und unbesu/ocht swi di genant sind als wir ez ze lehen von dem vorgenannten unserm herren und seinem gotshous gehabt haben umb dreuhundert und sybentzik pfunt Salzburger pfenning, der wir ga/entzlichen gewert sein und haben = mit belanglosen Abweichungen gleich n. 355 = swo wir di haben. Di gu/et, di zu dem gerichtt geho/erent, dienent hundert gerichtthu/ener ie von dem gu/ot ein hu/on und sint also genant: des ersten datz Anthering ein vi/ertail einer hu/ob, da Heinrich oufgesezzen ist, item Peter daselbes hat ein halbeu hu/ob, item Salmon einen acher, item Ra/edel ein vi/ertail einer hu/ob, item Christan ein vi/ertail, item Herman ein vi/ertail, item Spa/endel ein halbeu hu/ob, item Chunrat von Hol einen hof, item Gru/ell ein halbeu hu/ob, item Stainacher ein halbeu hu/ob, item Vagra/er ein vi/ertail, item Cha/endel einen halben hof, dem Neumayr einen halben hof, item Marquart einen hof, item Pravst ein vi/ertail einer hu/oben, item Fruman ein halbeu hu/oben, datz Mayrhof ein hof, item Wu/erffel hat ein vi/ertail einer hu/oben, item am Aigen ein vi/ertail, item O/ertel ein halb hu/ob, item der Smid ein halbeu, item Fridrich ein halbeu, item Heinrich der Goldacker ein halbeu, item Scho/er daselbes ein halbeu, item der Smidinger von Odra/eting ein gu/ot, item Ru/edel daselb ein hu/ob, O/ertel ein vi/ertail, Fruman ein vi/ertail, item datz Hofsteten ein halben, item Chunrat am Hof einen hof, item Veyertag ein hu/ob, item datz Mu/elpach ein halbeu, item an dem Wisenperg ein hu/ob, item datz Mitterstet ein halbe, item Chunrat da pei ein halbeu, item Hintzperg ein vi/ertail, item O/edelozperg ein vi/ertail, item Gozenperg ein gu/ot, item Winthersperg ein halbeu hu/ob, item an der O/ed ein vi/ertail, item daz Porstet einen hof, item datz Topel ein halbeu hu/ob, item datz Ra/eut ein halbeu, item Walder hat ein halbeu, item Ott von Ansveld ein halbeu, item Perchtolt daselbs ein halbeu, item datz Hous ein hu/ob, item Vlrich an der O/ed ein halbeu, item Vlreich da selbes ein halbeu, item datz Erlach ein vi/ertail, item datz Erlach ein vi/ertail, item Swaiger ein hu/ob, item Wisner ein vi/ertail, item Weber von Furthtal ein gu/ot, item Fridrich daselbes ein vi/ertail, item Fridreich von Wurmaizing ein vi/ertail, item Vlreich daselbs ein vi/ertail, item Vlreich ouch daselbs ein vi/ertail, item Chappeller ein halbe, item Chopel ein halbe, item Necht von Ried ein vi/ertail, item Chunrat daselbs ein vi/ertail, item der Schu/oster ein vi/ertail, item Heinreich ein halbe, item Vlreich ein halbe, item Vlreich von Scho/enperg ein vi/ertail, item der Sneider ein vi/ertail, item datz Hu/ob ein hu/eb, item O/ertel von Mu/elpach ein halbe, item Eberhart ein halbe, item Heinreich von Smiding ein vi/ertail, item Heinreich daselbs ein vi/ertail, idem der Weber ein vi/ertail, item Gaizzenperg ein hof, item Chunrat von Hutzing ein halb hu/ob, item Chunrat ein halbe, item Winchel ein vi/ertail, item Chunrat von Gozpolding ein halbe, item di Witib ein halbe, item am Lehen ein hu/ob, item Vlrich von Tru/oting einen hof, item Fridrich ein halb, item Chunrat ein halb, item Arnolt ein halb, item Heinrich von Limpaizing ein vi/ertail, item Heinrich ein vi/ertail, item Ott am Perg ein hu/ob, item Vlreich ein vi/ertail, item Chunrat Hofman ein vi/ertail, item Lienhart ein hu/ob, item datz Lu/oging ein vi/ertail, item Pergezzing ein hof, item Chunigsperg ein vi/ertail, item datz Michelloha/ern ein hof, item datz Lo/eha/ern ein vi/ertail, item datz Stainach ein vi/ertail, item der Mesner ein gu/ot, item Heinrich Scha/edel ouf dem Pach ein gu/ot, item Haintzel der Mayer ein hous. Daru/eber geben wir, disen brief ze einem urchu/end der worheit, versigelten mit unsern anhangenden insigeln. Der ist geben ze Salzburch des pfintztags in der andern vastwochen, do von Christes geburd woren dreuzehenhundert iar darnach in dem sechs und dreyzzkisten iar.