In nomine domini amen. Anno nativitatis eiusdem millesimo trecentesimo quadragesimo, non. aprilis, hora, conpletorii indictione VIII^a, pontificatus sanctissimi in Christo patris et domini Benedicti divina Providentia pape XII^mi anno sexto in presentia mei notarii infrascripti et testium subscriptorum discretus vir dominus Weychardus de Polnheim canonicus ecclesie Salzburgensis tactis sacris ewangeliis non vi vel metu aut aliqua coercione sed sponte et voluntarie iuravit omnia et siugula infrascripta capitula observare. Primo quod reverendo in Christo patri domino Heinrico venerabili archiepiscopo Salzburgensi apostolice sedis legato ecclesie sue et suis necnon reverendo in Christo patri domino Chunrado venerabili preposito et archidiacono, Pilgrimo decano et capitulo eiusdem ecclesie et singularibus eiusdem personis propter captivitatem et penas alias certis culpis et excessibus sibi inflictas dampnum per se vel alium non inferet aut inferri procurabit verbo vel facto directe vel indirecte publice vel occulte consilio auxilio vel favore, alioquin voce in capitulo et stallo in choro perpetuo sit privatus, item quod de ecclesia Salzburgensi absque speciali et expressa dictorum archiepiscopi et prepositi licentia non recedet, item quod abhinc in antea voce carebit capituli donec per dictum dominum archiepiscopum fuerit restitutus. Datum et actum Salzburge in stupa predicti domini archiepiscopi anno hora indictione pontificatu et anno ipsius quibus supra, presentibus reverendis in Christo patribus et dominis domino Rudmaro venerabili episcopo ecclesie Secouiensis, Chunrado preposito et archidiacono, Pilgrimo decano dicte ecclesie Salzburgensis. Ortolfo de Weyzzenekk, Berchtoldo de Emberwerch custode, Ludwico dicto Visla/er plebano et Greymoldo de Preysing eiusdem ecclesie Salzburgensis canonicis ad hoc specialiter vocatis.||
NS^a) Et ego Fridericus quondam Friderici de Scholichtorf clericus Frisingensis dyocesis publicus imperiali auctoritate notarius supradictis omnibus et singulis una cum prescriptis testibus presens interfui vidi et audivi et ea in hanc publicam formam redegi meoque signo solito et consweto in testimonium premissorum signavi rogatus.

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 450-451.