Albertus dei gracia Romanorum Rex Semper Augustus. omnibus imperpetuum. Si hiis, qui sub obtentu sacre religionis assidue diuinis mancipantur Officiis, aures benigno fauore nostre celsitudinis aperimus eorum satis facientes affectui; credimus ipsos auidiores in sacri sustentatione imperii et deuotiores in orationis constantia permanere pro nobis, atque apud remuneratorem bonorum omnium superius nos premiis ampliari. Eapropter cum religiose et deuote in christo. Abbatissa et Conventus sanctimonialium Monasterii sancti Bernhardi in Chrv^eg ordinis Cysterciensis Pataviensis dyocesis pro defensionis Regie gratioso presidio et confirmacionis bonorum suorum beneficio, quo quietius et liberius vite contemplatiue possint intendere, et vacare, preces humilitatis sue coram nostra clementia fuderint supplicando: Nos devotionem sinceram, qua eedem abbatissa et sorores sui Conventus diuini cultus obsequiis iugiter et ardenter inuigilant pio animo attendentes. Considerantes quoque clementius fidei puritatem, qua etiam circa nos et Sacrum Romanum Imperium feruere et choruscare dicuntur, ipsas, abbatissam, Sorores et monasterium una cum personis, hominibus suis et possessionibus vniuersis, quos et quas in presentiarum iuste et rationabiliter possidere noscuntur, in nostram et sacri Romani Imperii gratiam et protectionem recipimus specialem. Necnon in habundantioris cautele patens iudicium bonorum et iurium possessiones eisdem sanctimonialibus et monasterio suo per quoscunque donatas, traditas, legatas et venditas seu alio iusto tytulo acquisitas ipsis habendas et tenendas perpetuo approbamus, et scripti presentis patrocinio ex certa scientia confirmamus, Huiusmodi iuribus et bonis prout ex litteris inde confectis expresse et distincte collegimus, in specie declaratis. Videlicet in Gvmpendorf sex talentorum et vigenti duorum denariorum redditus. In Celderndorf unius talenti redditus. In Waitzendorf quatuordecim solidorum et octo denariorum redditus, et in Horn novem solidorum redditus per serenissimam Elyzabeth Romanorum Reginam contectalem nostram karissiman traditos et donatos. Item in Levtacher redditus decem talentorum et vnam mageriam. In Radendorf ius proprietatis de octo talentorum redditibus. In Pvlka vnam vineam dictam Witisser. In Levtacher vnam vineam dictam Swipel. Et in Retzbach vnam vineam dictam Retzpacher. Quos et quas donaverunt quondam Heinricus Comes de Hardek et Wilwirgis vxor ipsius. Wentendorf tres laneos cum dimidio, soluentes decem et octo solidos minus sex denariis. In Wetzleinstorf decem Laneos septem areas vnum agrum et ortum, ac jus proprietatis duorum et dimidii Laneorum. Item ibidem jus proprietatis duorum Laneorum et dimidii et duarum arearum solventium Quatuor libras et quinquaginta quatuor denarios. Item in Prvnn redditus vnius talenti. Item in Waitzendorf redditus sex solidorum et trium denariorum. Item in Obernro^er redditus duorum talentorum et dimidii et decem et octo denariorum. Item in Ebenfvrt redditus Quatuor talentorum et Triginta denariorum. In Hoflein redditus duorum talentorum et dimidii. Item in Nidern Gloknitz redditus trium et dimidii talentorum et duorum denariorum. Item in Wetzels duas areas. In Otteleins duas areas et in Weizzenpach molendinum. Item in nidern Retzpach tres laneos. Item in Grevenperch redditus unius talenti. Item in Celderndorf dimidium laneum. Item in Ernstorf tres Laneos cum dimidio desolatos. Et in Weidem unum laneum cultum. Item in Nevbauch duos laneos. Item juxta Egenprvnn Curiam unam. Item in Radwansdorf duos laneos. Item in Fratigenisdorf redditus trium talentorum et sexaginta denariorum. Et sex vrnas vini. Item in Waitzendorf omnia bona proprietaria quondam Perchte relicte Ditrici de Hohemberch deuoluta ad ipsam ex obitu patris sui. Et alia bona quecumque ibidem attinentia dicte Perchte quocumque nomine siue iure. In Stranzendorf redditus sex talentorum. Et in Hauspach dimidii talenti et quindecim denariorum redditus. Item in Grevenperch duorum talentorum et viginti quatuor denariorum redditus. Item in Celderndorf vnum et dimidium laneum. Item in Rorenbach vnam mageriam. Et in Reicholfs locum ville desolate. Item in Radwanstorf unam curiam. Nulli ergo omnino hominum liceat, hanc nostre protectionis et confirmationis infringere paginam, Sigillo nostro Regio communitam, vel eandem ausu temerario violare. Quod qui secus attemptare presumpserit, indignacionem nostram se nouerit grauiter incurrisse. Datum Wienne Anno Domini Millesimo Trecentesimo Quinto XVI. Kalendas Februarii Indictione Tercia. Regni vero nostri Anno Septimo.

Source Fulltext: ZEIBIG, Stiftungsbuch (=FRA II/6, Wien 1853) S. 165-167