Ich wu^elfinch Purger ze Steyr vnd mein Hausvrowe Soffeij vnd all vnser Erben, swi di genant sint, veriehen vnd tv°n chunt allen den, di nv lebent vnd noch chu^enftich werdent, di disen Prief sehent vnd horent lesen, daz wir mit veraintem willen vnd mit vnser ander erben, di vns zů gehorent vnd an disem Prief benant werdent, fridreich der zwichel vnd sein Hausvrowe Hilkart, vlreich von Noczstorf, Ortolf der Syncenperger vnd sein Hausvrowe Elspet vnd alle ir Erben der vorgenanten leut gemainchleich vnd gaenczleich allen vnsern gůten willen vnd gůnst dar zů gegeben haben vnserm lieben vreunt vnd mage hern Herman dem Ponhalm, der zten selben Zeiten Pruder vnd herre gewesen ist in dem Chloster ze Gersten, daz er di Hu^eb, di genant ist dacz Donhartzperg, di Heinrich von weinzůrl vnd sein Hausvrowe Chunigunt vnd ir Erben verchauft hieten vnd zu vro^emder hant praht Heinreichen dem vorster, ouz des selben vorster gwalt hat der vorgenant her Herman di selben Hůb wider geledigt vnd gechauft vmb vier vnd Dreizzich phunt phenning wienner Mv°nzz vnd hatz ouch aller ding ledichleich in sein gewalt praht mit allem nůtz vnd ze reht dar zů geho^ert ze holtz vnd ouch ze veld vnd schol chainer vnser nach chu^enftigen erben vu^erbaz nach vns chain ansprach gegen im nach der Hu^eb haben vnd hat ouch her Herman daz selbe vorgenant Gut gewidemt vnd gegeben ewich leich ze dienn ouf vnser vrowen alter datz Goersten mit aller vorgenanten erben willen vnd gůnst. Daz dise sach vnd wandlung von vns also stet vnd unzebrochen beleib, dar vber gib ich wu^elfinch disen Prief ze einer staetichait wol geuestent vnd versigelt mit meinem anhangunden jnsigel vnd mit meines Sůns Peters jnsigel, der der sach chaufman vnd werfer gewesen ist, vnd mit fridreichs jnsigel des zwichel vnd sint des dar zů gezeug her Ott der Scheck zten selben zeiten Purgraf ze Steyr, Her Marichart Prevhauen, her Ott Prevhauen, Peter Ponhalm, vlreich der Strazzer, Perichtolt, wůlfings Svn, Chvnrat der Sinzenperger, wezel von Erbing, Ott der Chersperger, Marichart der ponhalm, Dietmar der wezelsperger, Růger der haid vnd ander erber leut dar zů genůch. Der prief ist gegeben, do von vnsers herren gebu^erd warn ergangen Tausent vnd drevhundert jar in dem Syben vnd zwainkystem jar dar nach an sand Andres Tach.

Source Fulltext: OÖUB 5 (Wien 1868) S. 500-501, Nr. 502