Wir Ott von Gottes genaden Pfaltzgraf ze Rhein Hertzog in Bayrn machen offenbar an dem Brief, Wan wir zu dem Gotthauss ze Maennsee besondere Lieb rnd Genad haben, als Vnser Vordere seelig allzeit haben es gethan, vnd wan der Ehrsam Abbt Christan desselben Gotthauses gegen Vns sich mit allen Willen vnd dienst allzeit erboten vnd erzaigt hat, haben Wir Vns vnd Vnser lieben Haussfrauen Ihn ze einem besondern Capplan genomen vnd geschriben in Vnsern Hof mit Sechs Pferdten vnd haben auch Wir mit sambt Vnser lieben Haussfraun in sein Gotthauss sein leith vnd sein guet, swo er das hat oder fu^ert, u^eberall in Vnsern Landen er selb, sein diener oder swer ihm vnd seinen Gotthauss zugeho^ert, in Vnsern besondern scherm und genad genomen haben vnd nemen mit diesen Brief also, das Wir wollen, das er aller der freyung, genaden, sicherhait, Ehren vnd rechten daran geniesse, als ob er tagleichs in Vnsern hof vnd an Vnsern tisch war. Vnd dauon wollen Wir vnd gebieten allen Vnsern Amptleithen, swie sie genant sind, die ietzo sind oder fu^erbass werdent, allen Vnsern Edlnleithen vnd Gemainlechn allen den, die in Vnsern Landen sindt, vestiglichen bey Vnserer hulden, das si den vorgenannten Abbt, sein Gotthauss, sein Leith vnd sein guet mit khainerlay sachen icht laidigen noch beschweren, alsz sy Vnser grosse vnd schwer Vngenade darumb wellen vermeiden, sondern wellen wir, das sy ihm, sein Gotthauss, sein leut vnd sein guet von Vnsern wegen vnd in Vnsern Namen schermen vnd fu^erdern an aller statt, swa sie es bedu^erffen. vnd daruber ze Vrkhunde geben Wir diesen Brief mit Vnsern Insigel versigelten, der ist gegeben ze Purchhausen, da von Christes Geburth waren tausent Jahr, drey hundert Jahr, darnach in dem drey vnd dreyssigsten Jahr an dem Sonnttag nach dem auffahrt tag.

Source Fulltext: OÖUB 6 (Wien 1872) Nr. 86, S. 95f.