Ich Christ an Churcz von Mundolfing mein hawsfraw und all unser erben verjehen offenbar mit dem brief, daz wir uns ganczleich verricht und vertaidingt haben mit unserm genadigen herren abbt Hainreich ze Ma^ennse und mit seinem convent umb all die ansprach di wir hintz in und hintz irem gotshaws gehabt haben wie die ansprach genant sein alz verr, das wir noch unser erben fürbaz dem gotshaws chainen chrieg noch chain mue nymer auftuen sullen weder mit red noch mit werch noch mit recht noch an recht umb all die sach di sich vor vergangen habent, und darumb hat uns unser vorgenanter herr abbt Hainreich ze Ma^ennse mit seins conventz willen di genad getan, daz er mir vorgenantem Christan und mein sun Ulreich dem Waldawer ein leibgeding hat geben auf seinem hof ze Jernprechting und den zehent auf demselben hof und den zehent auf dem hof ze Awerpach nwer zu unser paider leib, und sullen wir davon aller ja^erchleich geben an sand Gilgentag ein halbs pfunt pfenning dienst yminer zwen haller für ainen pfenning, und wan wir paid nymer sein so ist der vorgenant hof ze Jernprechting und die vorgenant zwen zehent dem vorgenanten gotshaws ze Ma^ennse ledig und los an allen chrieg, und sullen wir noch chain unser nachkomen chain ansprach darnach nymer mer haben noch gewinnen, daz den vorgenanten herren und irm gotshaws di taiding also sta^et und linzerbrochen beleiben, gib ich in vorgenanter Christan der Churcz den brief versigelten mit meinnem anhangunden insigel, darunder sich mein hausfraw und all unser erben verpinden mit irn trewen allez daz sta^et ze haben daz vor geschriben ist, und ze einer merern sicherhait versigeln wir in den brief auch mit unsers gena^edigen herren hern Hainreich dez Granns ze Uttendorf und dez erbern manns Hainreich dez Freyer insigeln, di sy durch unser pet willen daran habent gehangen in an scha^eden wann sy der sach redner und taidinger sind gewesen, der brief ist geben do man zalt nach Christi gepurd drewczehen hundert jar darnach in dem ain und sechczigisten jar dez na^echsten suntags nach ostern.

Source Fulltext: OÖUB 8 (Wien 1883) Nr. 10, S. 10