Papst Benedictus XIV.cum sicut accepimus in Ecclesia B.M.V. de Nomine tres Quercies nuncupato prope et extra locum de Horna, Passaviensis Dioecesis, per novem continuos dies immediate antecendentes Festum Nativitats Dni Nri Jesu Christi Missae et alia divina officia ac Christianae pietatis opera magno Christifidelium concursu quotidie celebrari et exerceri consueverint. Nos ad augendam eorundem Christifidelium devotionem et animarum salutem coelestibus Ecclesiae thesauris pia charitate intenti omnibus utriusque Sexus Christifidelibus vere poenitentibus, confessio ac Sacra Communione refectis, qui in primo et ultimo praedictorum novem dierum dictam Ecclesiam devote visitaverint et ibi pro Christianorum Principum concordia, haeresum exstirpatione ac S. Matris Ecclesiae exaltatione pias ad Deum preces effuderint, quo die praedictorum id egerint, plenariam omnium peccatorum suorum indulgeamus et remissionem misericorditer in Dno concedimus. In reliquis vero ex praedictis novem diebus iisdem Christifidelibus dictam Ecclesiam, ut supra visitantibus et ibidem orantibus, aliaque praemissa peragentibus septem annos et totidem quadragenas de iniunctis eis seu alias quomodolibet debitis poenitentiis in forma Ecclesiae consueta relaxamus. Praesentibus ad Septennium tantum valituris. Volumus autem, ut si pro impetratione praesentatione, admissione seu publicatione praesentium aliquid vel minimum detur aut sponte oblatum recipiatur praesentes nullare sint. Datum Romae apud S. Mariam Majorem sub annulo Piscatoris die VI. Septembris MDCCXLIX Pontificatus Nostri Anno Decimo. 

Original dating clause: die VI. Septembris

Language: Latein