Notum sit cunctis sanctê matris êcclesiê filiis, qualiter ego Reginmarus dei gratia Pataviensis êcclesiê episcopus omnes parrochias cum antiquitus prefixis terminis earum, quas bone memoriê Altmannus episcopus et post cum successor ipsius Odalricus super altare sanctê Mariê in monte Kotwigensi delegaverunt et providendas eas fratribus ipsius loci commiserunt, ob spem êternê mercedis êcclesiastica auctoritate confirmavi et ne quisquam ex eis aliquid infringere audeat vel inminuere valeat, sigilli mei impressione signavi. Hii sunt ergo termini parrochiarum Kotwigensi cenobio traditarum, parrochiê terminus ad Mvtarin:¹ de Chlebidorf recta linea ad Tuirgidin, de Tuirgidin ad Chůfarin in fontem ibi manantem, inde recta via per Eginindorf in Flaidnize, de Flaidniza usque Tiemindorf, inde ad Scoingin usque ad villam Ekkibrethtisperc dictam et sie per unam curtem ipsius villule usque ad Karlistetin in fontem inibi prope manantein, inde ascendit silvam usque ad Chirchperc, de Chirchperge in Poginpach, de Poginpach in Fisilpach, de Fisilpach in Pigartinpach, de Pigartinpach usque in Achispach et descendit de Achispach usque in Danubium et sic per Danubium usque ad predictam villulam Chlebidorf, unde idem terminus exurgit. Cappellam * sanctê Margaretê ad Mutarin cum dote ad eam pertinente et murale, in quo cappella sancti Agapiti. Mulibach parrochiê terminus: a ponte, qui dicitur Ziůnza, cum villula, que proxima est nomine Straza, et inde descendit usque Gerrichistal, inde ad viam, quê vocatur Plechuntirwech, inde Wirindidorf et inde a porta Gnannilinis, predia liberorum recta linea usque Perehardesstich et inde usque Tichmannes, inde rursum supra Habichispach et de Habichispach ad pontem in primis nominatum Ziůnza. Parrochiam ad Naliub cum êcclesia ad Phaffindorf et dote earundem êcclesiarum et decimatione villarum ad easdem ecclesias pertinentium, quas nobilis vir Wolfkerus, ut ipse ab episcopo habuerat. eidem cenobio tradidit in proprium ius pro remedio animê suê ea conditione, ut ab eis in dei servitio provideatur et de fratrum utilitate nullatenus auferatur. Parrochiam ad Sanctam Petronellam² cum dote et êcclesiam ad Houilin cum dote et ipsarum êcclesiarum termino antiquitus prefinito, cum decimatione de omni beneficio Dietpoldi marchionis infra Visca et Litaha posito ex omnibus villis pertinentibus ad ecclesias Heimpurch, Petronellam, Houilin, Aschirisprucca cultis et postmodum colendis, quibus primo investita est hêc êcclesia a bonê memoriê Altmanno episcopo, et decimatione de Hasalowa et de Diuptal, quê infra terminum sunt Sanctê Petronellê, et ultra Danubium Liubmannisdorf et Wizilinisdorf tres mansus, quos dominus Sigehardus Aquilegensis patriarcha domino Altmanno episcopo in concambio tradidit, cum decimatione de eisdem villis, Parrochiê in loco, qui dicitur Chotans, apud Grie terminus est: de Chalchgrůbi usque in Obizarbach, de quo super Swarziperg usque ad quandam villulam Narchonis, que infra eundem terminum est, inde usque in amnem, qui Fuestriz dicitur, deinde ad cuiusdam nobilis predium Gerunc dicti pertinentis ad vicinam parrochiam Wîtin, inde ad quorundam predium Ottonis et Perhtoldi, marchionis Liudpoldi ministerialium, quê sunt infra predictê parrochiê terminum, inde in amnem, qui Scyi vocatur, et omnem circumiacentem silvam cultam * usque ad caput rivi minoris Chremisê, de minori Chremisa usque ad maiorem Chremisam versus Boemiam, silvam ultra Chremisa positam, deinde iterum eandem silvam cultam et incultam usque ad cavum lapidem, qui lingua rustica Tiuveleschirche dicitur, et rursum, quo minor Chremisa maiorem Chremisam influit, terminatur. Parrochiê ad Chuliub³ terminus: versus occidentem inter allodium marchionis Liudpoldi et quorundam nobilium descendens a montanis in Cebirmar, inde ad Smidibach, iuxta quem rivum ascendit ad villam Smidibach, inde vadit Sceit ad villam Heimonis, dehinc ad Moissinbach,^a quem descendit ad rivum Huriwin et hunc usque ad Sirnicha, quem descendit ad Radwanasbach, et hinc ascendit usque ad tumulum, qui excrevit super Wagrein, inde eandem altitudinem vadit ad caput Edilize, inde ad proximum montem, qui pertinet ad Hovistat, hinc descendit iuxta Chrebizbach in Pielaha, quem transit recto limite ad Scintilecca inter duo allodia marchionis O^vtachari et Piligrimi, inde recta linea ad Richinsceit, deinde ad caput Pielaha, inde per altitudinem montanam transit super Steinberch et de Steinberch inter allodia marchionis Liudpoldi et quorundam nobilium revertitur in rivum Cebirmar. Quicquid infra hêc iacet culti et inculti, ad êcclesiam Chuliub pertinet. Parrochiê ad Pyricha terminum: versus occidentem Treisimam fluvium ab ortu suo usque ad villam Sancti Ypoliti habet, deinde viam septentrionalem, quê ducit de Sancto Ypolito ad Mehtyris per villam Wagrein, et per silvam, quê vocatur Vorahach, deinde ad villam Sibihirtin, deinde inter duo allodia Williberti et Waltonis in villam Tuirin, versus orientem Persnicham ab ortu suo usque ad villam Tvirin, versus australem partem semitam, que vocatur Pechstich, inter confinia allodiorum marchionis, Haderici et RO^vdolfi^b et ita versus Carinthiam. Quicquid infra hos terminos est culti et inculti, ad parrochiam Pyricha pertinebat. Ob cuius latitudinem necessitate ductus ego Reginmarus dei gratia Pataviensis episcopus êcclesiam in loco, qui dicitur Michilpach, construere feci et a me ipso dedicatam cum termino eidem tunc êcclesiê inibi prefinito fratribus in loco Kotwiensi^c deo et sanctê Mariê servientibus pro divina remuneratione contradidi. Terminus autem eius: Michilpach fluvius, hinc ascendit per Sceit et transit in Cherspeimespach,^d quem iterum descendit in Goelssana fluvium, et hinc ascendit in Halbach, quem item ascendit ad caput Halbach versus Carinthiam et de ortu Halbach per transversum in australem partem, quicquid culti et inculti iacet inter confinia allodiorum RO^vdolfi et Haderici nobilium ac marchionis per semitam, quê vocatur Pechstich, vergit in orientem. Ut deinceps vero hêc mea et omnis antecessorum meorum traditio rata permaneat et inconvulsa, sigilli mei hac obsignatione per me est stabilita. Insuper ad Mûra est êcclesia sanctê Mariê cum omni sua* ibidem et ad Vrsprinc dote et decimatio ex predio inibi sito nobilium Ekkeberti, Dietrici, O^vdalrici et Herimanni fratrum absque divisione. Si quis igitur ex his, que ego Reginmarus dei gratia episcopus vel antecessores mei sanctê Mariê et fratribus deo in Kotwiensi^c loco militantibus contulimus et firmavimus, aliquid abstulerit, inminuere vel infringere temptaverit, vinculo sit anathematis obligatus ac nisi cito resipuerit, divini examinatione iudicii sit perpetuo damnatus.

Source Fulltext: FUCHS, Göttweig I (=FRA II/51, Wien 1901) S. 43-46