Heinricus dei gratia abbas et conventus ecclesie Cotwicensis omnibus, ad quos presens litera pervenerit, salutem in eo, qui est vera salus. Ne processus rerum gestarum per oblivionem ex diuturnitate vel labilitate temporis evanescat, consuetum est, ut eis adhibeatur scriptorum memoria pro cautela. Hinc est quod presenti scripto innotescere volumus universis, quod cum inter nos ex una parte et dilectum nobis Albertum militem de Waedelinge¹ ex altera controversia verteretur super quadam summa ^a pecunie XVIII talentorum Wiennensium videlicet, in qua sibi extitimus debitores et ad ipsius solutionem non voluntatis contrarietas, sed rerum inopia nos redderet inpotentes, de comnium consensu et consilio nostro honestorum quoque virorum adcompositione et arbitrio accedente decimam vini in Rehperch,² que ad nos iure proprietatis pertinet, prout constat, sibi assingnavimus ^b ad VI annos obligationis titulo sub hac forma, ut de proventibus eiusdem decime per spacium temporis expressi sibi sit de suis debitis integraliter satisfactum et ex tunc in antea ab eius impeticione simus exempti et ipsa decima absoluta revertatur ad nostrum dominium pleno iure. Et ut hec compositio, ut expressum est, robur habeat firmitatis. presentem literam cum sigilli nostri appensione et testium subscriptione pro testimonio et confirmatione sibi dedimus. Huius autem rei testes sunt hii:^b Otto de Zendorf, Hartnidus, Otto de Werd, fratres et monachi ecclesie; Gerboto prepositus Sancti Nicolai Pataviensis., Irnfridus³ decanus Chrêmsensis,^b Otto plebanus Libere civitatis, magister Swikerus plebanus in Widerveld, Hugo sacerdos, Wigandus de Grintorf, Heinricus Purgaer, Goldlinus, Siuridus de Wrvar et alii quam plures. Datum in Chrêms^b in curia parrochiali anno domini MCCL, XVIII. kalendas decembris.

Source Fulltext: FUCHS, Göttweig I (=FRA II/51, Wien 1901) S. 133-134